Partyja Hajdukieviča akazałasia aŭtsajdaram u kurtatym biełaruskim parłamiencie, atrymaŭšy haniebnyja čatyry mandaty
Pałatu pradstaŭnikoŭ sfarmavali ŭ asnoŭnym za košt kandydataŭ «Biełaj Rusi» i biespartyjnych. Astatnija partyi atrymali nievialikuju kolkaść miescaŭ.
Pavodle padlikaŭ Reform.by na padstavie papiaredniaha śpisu, apublikavanaha CVK, «Biełuju Ruś» budzie pradstaŭlać u nižniaj pałacie Nacyjanalnaha schodu 51 čałaviek.
Biespartyjnymi źjaŭlajucca 40 deputataŭ. Respublikanskaja partyja pracy i spraviadlivaści atrymała 8 mandataŭ, Kamunistyčnaja partyja — siem.
Libieralna-demakratyčnaja partyja atrymała haniebnyja čatyry miescy. Heta pry tym, što vystaŭlała 37 deputataŭ.
Kamunisty vystaŭlali 26 kandydataŭ, Respublikanskaja partyja pracy i spraviadlivaści — 19 kandydataŭ.
Situacyja pa abłaściach adroźnivajecca. «Biełaja Ruś» lidziravała ŭ Bresckaj (11 mandataŭ), Homielskaj (9 mandataŭ), Hrodzienskaj (8 mandataŭ), Mahiloŭskaj (7 mandataŭ) abłaściach.
U Minsku na pieršym miescy akazalisia biespartyjnyja. Na ich dolu pryjšłosia 12 mandataŭ. U Minskaj vobłaści «Biełaj Rusi» addali 8 mandataŭ, a biespartyjnym — 7.
RPTS sabrała ŭsie svaje mandaty ŭ rehijonach. U Minsku jana nie atrymała nivodnaha.
Kamunisty atrymali mandaty ŭ piaci rehijonach. U ich niama deputataŭ ad Viciebskaj i Minskaj abłaściej.
Libieralna-demakratyčnaja partyja atrymała miescy ad Minska, Mahiloŭskaj, Homielskaj i Viciebskaj abłaściej.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka3
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2525
Kamientary
"parłamient"
"pałata pradstaŭnikoŭ"
"CVK"
"nacyjanalny schod"
"deputaty"