Стаў вядомы змест «аперацыі №4» з плана «Перамога». Ажыццявіць яе больш не атрымаецца
«Байпол» заявіў, што выкарыстанне экранаў па ўсёй Беларусі для трансляцыі звароту Святланы Ціханоўскай было часткай плана «Перамога». Цяпер такая магчымасць страчаная.
27.02.2024 / 15:01
Трансляцыя звароту ў мінскім метро
«Аперацыя №4 гэтага плана прадугледжвала запуск звароту Ціханоўскай па ўсіх тэлеканалах Беларусі са словамі: «План запушчаны! Беларусы, выходзьце на вуліцы, выконвайце інструкцыі, пачалася рэвалюцыя!»
Цяпер «Байпол» звярнуўся да Святланы Ціханоўскай з просьбай правесці праверку і пакараць вінаватых у тым, што шчылінай з доступам да публічных экранаў скарысталіся не так, як планавалася.
Нагадаем, 24 лютага «Белпол» запусціў на больш чым 2000 экранах па ўсёй Беларусі трансляцыю відэзварота Ціханоўскай з нагоды гадавіны вайны і адзінага дня галасавання.
Чытайце таксама:
Дырэктар рэкламнай кампаніі, на чыіх экранах паказалі Ціханоўскую, расказаў сваю версію падзей
Затрымалі супрацоўнікаў кампаніі, што абслугоўвае экраны, на якіх паказалі зварот Ціханоўскай
На рэкламных экранах па ўсёй Беларусі паказалі зварот Святланы Ціханоўскай