У Наваполацку мужчыну арыштавалі за лайк пад інтэрв'ю Жырыноўскага
Суд у Наваполацку арыштаваў мясцовага жыхара Валерыя Максіменку на 10 сутак па артыкуле аб распаўсюдзе «экстрэмісцкіх матэрыялаў» (частка 2 артыкула 19.11 КаАП). Пастанову суда заўважыў тэлеграм-канал «Віцебск, я гуляю!» Пасяджэнне адбылося 12 лютага, судзіла мужчыну Зінаіда Балаболава.
05.03.2024 / 21:25
Падставай для арышту Максіменкі стаў лайк у «Аднакласніках» пад інтэрв'ю памерлага ў 2022 годзе былога кіраўніка расійскай Ліберальна-дэмакратычнай партыі Уладзіміра Жырыноўскага тэлеканалу «Белсат», запісанага больш за 10 гадоў таму.
Акрамя таго, Максіменка быў падпісаны на «Хартыю-97».
Чытайце таксама:
Прайшоў новы суд над Аляксеем Раманавым
У Гродне затрымалі Ігара Чудзілоўскага
Галоўную бухгалтарку з Магілёва затрымалі нібыта за 800 негатыўных каментароў