Прычынай сённяшняга суда над былым палітвязнем Аляксеем Раманавым, які мае анкалагічнае захворванне, стаў дэкрэт Лукашэнкі №7 («Аб замежнай бязвыплатнай дапамозе»). Як ён скончыўся і ў чым дакладна абвінавачвалі Аляксея — пакуль невядома, піша «Гомельская вясна».
Раней Аляксея Раманава затрымлівалі 23 студзеня падчас хвалі вобшукаў у сем'ях палітвязняў. Спачатку мужчыну прысудзілі 15 сутак арышту, а потым, не выпускаючы, дадалі яшчэ 15 нібыта за «распаўсюд экстрэмісцкіх матэрыялаў». Толькі праз 30 сутак яго ўсё ж такі вызвалілі.
Аляксей мае інваліднасць, анкалагічнае захворванне і панкрэатыт. Падчас апошняга арышту ў ізалятары яму некалькі разоў рабілася блага. Але яго ў такіх выпадках адвозілі ў шпіталь і тут жа вярталі назад.
Цяпер чытаюць
Новы старшыня Канстытуцыйнага суда адправіў сына вучыцца на разведчыка ў акадэмію ГРУ. А як пачалася вайна, хутчэй забраў з Расіі16
Каментары