Pačynajecca sud nad Volhaj Brycikavaj z «Naftana»
Jaje buduć sudzić u zakrytym režymie.
11.03.2024 / 08:05
Byłuju staršyniu niezaležnaha prafsajuza «Naftan» zatrymali ŭ žniŭni 2023 hoda. Spačatku była infarmacyja, što jaje abvinavačvajuć u «zaklikach da dziejańniaŭ suprać nacyjanalnaj biaśpieki». U vyniku sudzić jaje buduć pavodle č. 1 art. 130 KK (raspalvańnie inšaj sacyjalnaj varožaści).
Spravu ŭ zakrytym režymie pačnie razhladać Viciebski abłasny sud siońnia, 11 sakavika. Sud budzie vieści sudździa Halina Bondał, piša «Viasna».
Nahadajem, Volha adpracavała na pradpryjemstvie «Naftan» 16 hadoŭ, ale była zvolniena praz vykazvańnie svajoj pazicyi. Palitźniavolenuju šmat zatrymlivali za vykazvańni suprać vajny i raspaŭsiud «ekstremisckich» materyjałaŭ. Ciaham 2022 hoda jana praviała ŭ źniavoleńni 105 sutak, ź ich — 75 zapar.
Adras dla hrašovych pieravodaŭ, pasyłak i telehram: SIZA-2. 210026, h. Viciebsk, vuł. Haharyna, 2, Volha Iharaŭna Brycikava.
Čytajcie taksama:
Lidaram niezaležnaha prafsajuza «Naftana» Brycikavaj i Kucharonku vystavili abvinavačańni