Pravaabaroncam stali viadomyja novyja akaličnaści zatrymańnia navapołackich aktyvistaŭ Brycikavaj i Kucharonka
Pravaabaroncy «Viasny» paviedamlajuć niekatoryja novyja akaličnaści zatrymańnia byłoj staršyni Biełaruskaha niezaležnaha prafsajuza na AAT «Naftan» Volhi Brycikavaj i adnaho z pracaŭnikoŭ abjadnańnia, jaki syšoŭ u stačku ŭ 2020 hodzie, Alaksandra Kucharonka.
Alaksandra Kucharonka, pavodle pravaabaroncaŭ, amapaŭcy zatrymali ŭ vioscy Rosica Vierchniadźvinskaha rajona.
Pieratrusy prajšli na kvatery Kucharonka ŭ Navapołacku, u jahonych baćkoŭ u Navapołacku, a taksama ŭ vioscy Rosica.
Pakul viadoma, što Alaksandr abvinavačvajecca pavodle artykuła 361 Kryminalnaha kodeksa (častka nieviadomaja).
Raniej paviedamlałasia, što siarod zatrymanych taksama i žonka Alaksandra — jana na voli. U siamji — dvoje niepaŭnaletnich dziaciej.
Brycikavu, paviedamlaje «Viasna», abvinavačvajuć pavodle č. 1 art 361 Kryminalnaha kodeksa (publičnyja zakliki da zachopu dziaržaŭnaj ułady, abo hvałtoŭnaha źmianieńnia kanstytucyjnaha ładu Respubliki Biełaruś, abo zdrady dziaržavie, abo ździajśnieńnia akta teraryzmu abo dyviersii, abo ažyćciaŭleńnia dziejańniaŭ, nakiravanych na parušeńnie terytaryjalnaj cełasnaści Respubliki Biełaruś, abo ździajśnieńnia inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś, u tym liku na prymianieńnie mier abmiežavalnaha charaktaru (sankcyj) u dačynieńni da Respubliki Biełaruś).
U 2020 hodzie Volha Brycikava adbyła 75 sutak za kratami zapar — joj prysudzili 5 aryštaŭ za nibyta niesankcyjanavanaje pikietavańnie. Padčas aryštu jana abviaščała haładoŭku na znak pratestu.
Alaksandr Kucharonak — adzin z samych pieršych, chto ŭ 2020 hodzie abviaściŭ stačku na pradpryjemstvie. Jaho taksama aryštoŭvali pa administracyjnaj spravie — u 2021 hodzie jon adbyŭ 20 sutak aryštu pavodle art. 24.23 KaAP.
Pravaabaroncy sprabujuć vyśvietlić miescaznachodžańnie zatrymanych aktyvistaŭ.
20 «analitykam Cichanoŭskaj» prysudzili hihanckija zavočnyja terminy. Bolš za ŭsich — Dabravolskamu8
20 «analitykam Cichanoŭskaj» prysudzili hihanckija zavočnyja terminy. Bolš za ŭsich — Dabravolskamu
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka29
Rasijski vajskoviec płanavaŭ uzarvać budaŭničuju kramu ŭ Paryžy. Ale padarvaŭsia na ŭłasnaj vybuchoŭcy1
«Samy cymus»: historyk napisaŭ knihu pra toje, jak abaranki skaryli Amieryku, a draniki stali i jaŭrejskaj stravaj 12
Kamientary