Hramadstva

«Da kaho nie dojdzie — budziem razmaŭlać, jak z praciŭnikam». Siłaviki pahražajuć za fota vajskovaj techniki

Va Uzbrojenych siłach pačali pravierku bojehatoŭnaści. Telehram-kanał, blizki da siłavikoŭ, apublikavaŭ zajavu z nahody vučeńniaŭ.

Ilustracyjnaje fota: Ministerstva abarony

Telehram-kanał, blizki da siłavikoŭ, zaklikaje vajskoŭcaŭ adsočvać, ci nie zdymajuć ich.

Kanał pahražaje tym, chto budzie zdymać techniku.

«Da kaho nie dojdzie — budziem razmaŭlać, jak z praciŭnikam. Chłopcy dvojčy papiaredžvać nie buduć».

Kanał źviarnuŭsia da vajskoŭcaŭ na vučeńniach:

«Bačycie, što vas zdymajuć? Sfatahrafujcie (źnimicie na videa) hetaha čałavieka. Nastojliva raim ustalavać u kałonie choć by adzin videarehistratar i trymać jaho ŭklučanym na ŭsim praciahu maršu. Anałahičnaja prośba da supracoŭnikaŭ VAI».

Raniej za zdymki vajskovaj techniki i pierasyłku hetych fota i videa niezaležnym telehram-kanałam asudzili niekalkich čałaviek. Naprykład, byłoj nastaŭnicy z Chojnikaŭ Irynie Abdukierynaj dali 4 hady kałonii za videa z kałonaj rasijskaj vajskovaj techniki, jakoje jana dasłała ŭ «Biełaruski Hajun». Žychara Baranavič asudzili da 2,5 hoda kałonii za fota i videa vajskovaj techniki, jakija jon dasłaŭ u Nexta i jakija tak i nie byli apublikavany. 

Čytajcie taksama:

«Idzie vajna, a našy ź pistalecikami i flikierami». Jak biełaruskaja miaža vyhladała ŭ pieršyja miesiacy rasijskaha ŭvarvańnia va Ukrainu

Źniščalniki nie dalaciać, BTRy nie dajeduć. Što z anansavanymi pastaŭkami ŭ Biełaruś rasijskich uzbrajeńniaŭ?

U Biełaruś, mahčyma, dastavili vajskovuju techniku z Kitaja

Kamientary da artykuła