U Rasii za sutki minimum 15 kryminalnych spraŭ zaviali pa artykule ab «pieraškodzie pracy vybarčych kamisij»
Kryminalnyja spravy zavodzili ŭ suviazi z tym, što hramadzianie sprabavali ŭčynić pažary na vybarčych učastkach z vykarystańniem kaktejlaŭ Mołatava, a taksama zalić urny ź biuleteniami zialonkaj, jodam i čarniłam.
16.03.2024 / 12:18
Usiaho SK daŭ spravazdaču jak minimum ab 15 kryminalnych spravach, padličyła «Novaja Jeŭropa».
Dźvie kryminalnyja spravy byli zaviedzieny ŭ Maskvie, try — u Varoniežskaj vobłaści, a taksama pa adnoj — u Sankt-Pieciarburhu, Vialikim Noŭharadzie, Ivanavie, Rastoŭskaj i Vałhahradskaj abłaściach, Krasnadarskim i Krasnajarskim krajach, Chanty-Mansijskaj akruzie i Karačajeva-Čarkiesii, a taksama ŭ anieksavanym Krymie.
Napiaredadni «Viorstka» sa spasyłkaj na krynicy paviedamiła, što vybarkamy nie płanujuć admianiać vyniki vybaraŭ na ŭčastkach z zalitymi zialonkaj biuleteniami.
Pa słovach surazmoŭcaŭ vydańnia, «biuleteni, u jakich z-za zialonki nielha vyjavić volevyjaŭleńnie», buduć «pryznanyja niesapraŭdnymi», «a astatnija narmalna paličać. Na ŭstanaŭleńnie vynikaŭ hałasavańnia heta nijak nie paŭpłyvaje».
Čytajcie taksama:
Na vybarach prezidenta Rasii ŭžo prahałasavała bolš za tracinu čałaviek
U Rasii pačalisia vybary prezidenta. Voś što treba pra ich viedać
Jak projduć prezidenckija vybary? Žurnalisty daviedalisia viersiju Kramla