Čarhovaja pravakacyja siłavikoŭ: jany abjavili, što ŭ suviazi z vybarami ŭ Rasii Cichanoŭskaja ŭvodzić płan «Pieramoha»
Takija paviedamleńni rassyłajucca z fejkavaha kanała, jaki vydaje siabie za kanał «Bajpoła». U paviedamleńni kažacca, što ciapierašnija vybary ŭ Rasii «stanuć pieršym etapam razbureńnia kramloŭskaha režymu pad naciskam USU i lehijona Svabodnaja Rasija».
«U pieryjad z 15 pa 20 sakavika 2024 hoda režym Pucina moža abrynucca ŭ luby momant, tamu abranym prezidentam Śviatłanaj Cichanoŭskaj było pryniata rašeńnie ab uviadzieńni ŭ dziejańnie «Płana Pieramoha 2.0» u nadzvyčajnym paradku.
Lidaru biełaruskaha padpolla i kiraŭniku BYPOL Alaksandru Azaravu daručana ŭ samyja karotkija terminy arhanizavać vykanańnie płana dla dasiahnieńnia met vyzvaleńnia Biełarusi», — piša kanał.
I dałučaje spasyłku nibyta na płan.
Jak užo nieadnarazova było, takija paviedamleńni rassyłaje fejkavy kanał. U hetym možna lohka pierakanacca — jon stvorany 13 sakavika i ŭsie paviedamleńni tam, aproč apošniaha, zality ŭ toj ža dzień.
Cikava, što ŭ kłona, stvoranaha siłavikami, bolš padpisčykaŭ, čym u ciapierašniaha kanała «Bajpoła» (jon byŭ stvorany nanoŭ paśla raskołu abjadnańnia byłych siłavikoŭ).
Ofis Cichanoŭskaj taksama paćvierdziŭ, što heta fejk.
Nahadajem, što pierachodzić pa spasyłkach u padobnych kanałach, navat ź cikaŭnaści, niebiaśpiečna — vy možacie pakinuć tam danyja svajho akaŭnta, što dapamoža siłavikam vas deananimizavać. Raniej takija rassyłki z kanałaŭ-fejkaŭ ciahnuli za saboj zatrymańni.
Siłaviki zładzili čarhovuju fejkavuju rassyłku pa biełaruskich čatach. Što adbyłosia i jak abaranicca
Čarhovaja chvala zatrymańniaŭ ludziej, jakich vinavaciać u rehistracyi ŭ płanie «Pieramoha». Siłaviki sprabujuć pierakanać u źlivie, ale jość niuans
Jašče adnaho biełarusa zatrymali: mahčyma, jon pisaŭ u fejkavy čat-bot płana «Pieramoha»
Amierykanka raskazała, jak vykładała va ŭniviersitecie ŭ Viciebsku i navat dała paru ŭrokaŭ milicyi4
Kamientary
Ofis Cichanoŭskaj pavinien byŭ pieršym prainfarmavać, što heta fejk.