Terakt na kancercie ŭ Maskvie — zahinuli minimum 40 čałaviek
abnaŭlajecca
Jak minimum 40 čałaviek zahinuli ŭ vyniku stralaniny ŭ HC «Krokus Sici Choł» u Padmaskoŭi. Paranienyja jak minimum 100 čałaviek.
22.03.2024 / 20:35
Niechta ŭ hetym handlovym centry adkryŭ ahoń z aŭtamata pierad kancertam hurta «Piknik».
Rasijskaje ahienctva RIA «Novosti» śćviardžaje, što ahoń adkryli troje mužčyn u kamuflažy.
Ale na videa vidać, što napadnikaŭ u «Krokus Sici Chole» było piaciora. Jany rasstrelvali naviednikaŭ kancerta hurta «Piknik».
Taksama vidavočcy paviedamlajuć pra vybuch u budynku «Krokus Sici Choł». Nad budynkam bačnyja kłuby čornaha dymu.
Na videa ad vidavočcaŭ vidać achviaraŭ stralaniny ŭ Maskvie. Nieviadomyja adkryli ahoń, a paśla padpalili hladackuju zału.
Źjaviłasia i videa pieršych siekundaŭ teraktu ŭ Maskvie. Ludzi z aŭtamatami viaduć stralaninu na paražeńnie.
Kadry, jak haryć handlovy centr «Krokus Sici Choł», apublikavaŭ telekanał «Źviezda». U budynku zabłakavanyja bolš za 100 čałaviek.
Pažarniki nie zmahajucca z ahniom, čakajuć śpiecnaz. Jany nie mohuć prystupić da tušeńnia ahniu praz toje, što ŭnutry dahetul mohuć znachodzicca terarysty.
Kolkaść achviaraŭ moža značna pavialičycca, bo kažuć, što kala 100 čałaviek mohuć być zabłakavanyja ŭ budynku.
Tym časam karespandent vydańnia «Ostorožno, novosti» paviedamiŭ, što ŭ budynku adbyŭsia novy vybuch.
Čytajcie taksama:
Amierykanskaja i brytanskaja ambasady ŭ Maskvie papiaredzili hramadzian pra mahčymyja terakty