Hienieralny sakratar AAN zaklikaŭ vypłacić kampiensacyju za epochu rabstva
Kiraŭnik Arhanizacyi abjadnanych nacyj zajaviŭ, što handal rabami zakłaŭ padstavy dla sistemy dyskryminacyi, zasnavanaj na idei pieravahi biełaj rasy.
26.03.2024 / 11:07
Antoniu Huteryš. Fota: Amr Nabil / AP
Hienieralny sakratar AAN Antoniu Huteryš zaklikaŭ vypłacić reparacyi za transatłantyčny handal paniavolenymi ludźmi, piša Radyjo Svaboda sa spasyłkaj na Reuters.
Na jaho dumku, heta pavinna dapamahčy pieraadoleć spadčynu handlu rabami ŭ sučasnym hramadstvie, uklučajučy sistemny rasizm.
Z XV pa XIX stahodździ sama mieniej 12,5 miljona afrykancaŭ byli vykradzienyja, hvałtoŭna vyviezienyja jeŭrapiejskimi handlarami na jeŭrapiejskich karablach i pradadzienyja ŭ rabstva. Tyja, chto vyžyŭ u hetym surovym padarožžy, u vyniku pracavali na płantacyjach u Paŭnočnaj i Paŭdniovaj Amierykach, u asnoŭnym u Brazilii i na Karybach, u toj čas jak inšyja nažyvalisia na ich pracy.
U zajavie z nahody Mižnarodnaha dnia pamiaci achviar rabstva Huteryš adznačyŭ, što padziei minułaha «zakłali padstavy dla sistemy hvałtoŭnaj dyskryminacyi, zasnavanaj na idei pieravahi biełaj rasy».
«My zaklikajem da stvareńnia ramačnaj asnovy dla reparacyjnaj spraviadlivaści, kab pieraadoleć pakaleńni adčužeńnia i dyskryminacyi», — zajaviŭ Huteryš.
Čytajcie taksama:
Prezident Hany zaklikaŭ vypłacić afrykancam kampiensacyi za handal rabami
Apublikavany rejtynh krain ES pavodle ŭzroŭniu rasizmu. Raskazvajem, dzie rasavaj dyskryminacyi bolš
Sudździa z AAN zaklikaŭ Vialikabrytaniju zapłacić reparacyi za kałanijalny handal rabami