Na rasijskim rudniku «Pijanier», dzie pad zavałami apynulisia 13 šachcioraŭ, spynili vyratavalnuju apieracyju
Heta źviazali z ryzykaj paŭtornaha abvału i zatapleńniem usich haryzontaŭ šachty, dzie mahli znachodzicca ludzi.
01.04.2024 / 11:05
Fota: amurobl.ru
Vyratavalnaja apieracyja na rudniku «Pijanier» u Amurskaj vobłaści spyniena. Tam heta źviazali z ryzykaj paŭtornaha abvału i zatapleńniem usich haryzontaŭ šachty, dzie mahli znachodzicca ludzi, piša Bi-bi-si.
U šachcie rudnika na hłybini bolš za 100 mietraŭ pad zavałami 18 sakavika apynulisia 13 hornarabočych.
Ratavalniki praśvidravali niekalki śvidravin, kab raźviedać situacyju. 25 sakavika MNS Rasii zajaviła, što apuščanaja ŭ śvidravinu kamiera znajšła vadu. Jašče raniej — ab tym, što rudnik z vysokaj vierahodnaściu zatopleny.
Śvidraviny, praśvidravanyja na rudniku, pakazali što ŭsie haryzonty, dzie mahli być ludzi, zatoplenyja vadoj, hlinaj i lodam, zajavili zaraz u administracyi rudnika.
Na minułym tydni byŭ zatrymany i aryštavany dyrektar rudnika Alaksiej Birukoŭ. Jaho abvinavačvajuć u parušeńni patrabavańniaŭ biaśpieki pry ździajśnieńni prac (art. 216 KK RF).
Jašče na minułym tydni TASS pisaŭ, što bolšaja častka avaryjna-vyratavalnych rabot na rudniku «Pijanier» prypyniena. «Prypynienyja ŭsie pracy, uklučajučy śvidravańnie čaćviortaj śvidraviny, z-za ruchomaści hrunta. Zachoŭvajecca ryzyka paŭtornaha praryvu parody», — kazała krynica ahienctva.
Čytajcie taksama:
Na rudniku ŭ Amurskaj vobłaści zdaryŭsia abvał. Pad zavałami znachodziacca 13 šachcioraŭ
Salihorski pablik paviedamiŭ pra śmierć šachciora padčas ramotnych rabot
«Dźvie sistemy tarmažeńnia». Čamu adbyłasia avaryja na šachcie «Biełaruśkalija»