Polšča zachavaje prysutnaść vajskoŭcaŭ na miažy ź Biełaruśsiu
U Ministerstvie nacyjanalnaj abarony zajavili, što praciahnuć padtrymlivać pamiežnikaŭ.
05.04.2024 / 14:26
Fota: Minabarony Polščy
Polšča zachavaje prysutnaść vajskoŭcaŭ na miažy ź Biełaruśsiu. Jany praciahnuć akazvać padtrymku pamiežnikam. Pra heta zajaviŭ ministr nacyjanalnaj abarony Uładzisłaŭ Kasiniak-Kamyš, piša Reform.by.
«Praz vajskovuju apieratyŭnuju hrupoŭku Podlasie prajšło ŭžo 30 tysiač žaŭnieraŭ, jakija padtrymlivajuć pamiežnuju achovu miažy ŭ harantavańni biaśpieki miežaŭ dziaržavy», — skazaŭ jon na pres-kanfierencyi.
Kasiniak-Kamyš adznačyŭ, što akazańnie padtrymki pamiežnikam taksama źjaŭlajecca elemientam trenirovak dla vajskoŭcaŭ. Ministr paabiacaŭ praciahnuć inviestycyi ŭ hrupoŭku, uklučajučy pašyreńnie harnizona ŭ Lublinie.
Pavodle jaho słoŭ, na raźvićcio Hrupy budzie nakiravana kala 850 młn złotych (215 miljonaŭ dalaraŭ) u hetym hodzie.
Čytajcie taksama:
Biełaruś całkam prypynić dziejańnie Damovy ab zvyčajnych uzbrojenych siłach u Jeŭropie
«My rychtujemsia da vajny, ja ab hetym havaru ščyra». Jak razumieć hetyja słovy Łukašenki?
Da pravierki bojehatoŭnaści padklučylisia tankavyja padraździaleńni