U ZŠA ahučyli ŭmovy ŭstupleńnia Ukrainy ŭ NATA
Vašynhton ahučyŭ svaju pazicyju pa hetym pytańni, i jana niaźmiennaja.
09.04.2024 / 07:55
Bai pad Bachmutam. Fota: Alex Babenko / AP
Ukraina moža ŭstupić u NATA tolki paśla zakančeńnia vajny, jakuju raźviazała Rasijskaja Fiederacyja. Pradstaŭnik Dziarždepa Mećju Miler zajaviŭ, što «heta praces, jaki prasoŭvajecca», piša UNIAN.
Kali ŭ jaho spytali, ci była dyskusija nakont hrafika ŭstupleńnia Ukrainy ŭ NATA, jon adkazaŭ: «Ničoha nie źmianiłasia nakont uchvaleńnia hrafiku. Heta ŭsio jašče zaležyć ad zaviaršeńnia vajny».
«U kančatkovym vyniku heta praces, jaki budzie prasoŭvacca dalej paśla zaviaršeńnia hetaha kanfliktu», — zajaviŭ śpikier Dziarždepa ZŠA.
Pry hetym jon udakładniŭ, što Vašynhton ahučyŭ svaju pazicyju pa hetym pytańni, i jana niaźmiennaja.
Akramia taho, Miler nahadaŭ, što pra Ukrainu havaryli na apošnim ministerskim pasiadžeńni NATA ŭ Brusieli na minułym tydni. Taksama pytańnie abmiarkoŭvali padčas sustrečy dziaržsakratara ZŠA Entani Blinkiena i kiraŭnika MZS Ukrainy Dźmitryja Kuleby.
Jak Tramp źbirajecca spynić vajnu Rasii va Ukrainie?
U Trampa nazvali fejkam paviedamleńnie ab jahonym «mirnym płanie» sa zdačaj terytoryj Ukrainy
Terytoryi ŭ abmien na biaśpieku — mahčymy scenar spynieńnia vajny