«Heta pahražaje eskałacyjaj». Devid Kemieran adkazaŭ, čamu NATA nie choča źbivać rakiety i drony nad Ukrainaj
Ministr zamiežnych spraŭ Vialikabrytanii Devid Kemieran zajaviŭ, što Vialikabrytanija i inšyja krainy NATA nie majuć namieru źbivać drony i rakiety, jakimi Rasija atakuje Ukrainu, bo nie chočuć eskałacyi kanfliktu i pramoha supraćstajańnia z Maskvoj, piša Bi-bi-si.
15.04.2024 / 18:38
Kemieran adkazvaŭ na pytańni papularnaha viadučaha radyjostancyi LBC Nika Fierary. U liku inšaha žurnalist pacikaviŭsia, čamu samaloty Karaleŭskich VPS nie mohuć zrabić dla Ukrainy toje ž, što jany rabili padčas napadu Irana na Izrail. Raniej brytanskija ŭłady paćvierdzili, što brytanskija źniščalniki brali ŭdzieł u adbićci iranskaj rakietnaj ataki razam ź izrailskimi vajskoŭcami i ich chaŭruśnikami z ZŠA, Francyi i Iardanii.
«Dumaju, prablema z tym, što vy prapanujecie, zaklučajecca ŭ tym, što kali my chočam paźbiehnuć eskałacyi z punktu hledžańnia bolš šyrokaj jeŭrapiejskaj vajny, to nieabchodna paźbiahać pramoha kantaktu vojskaŭ NATA z rasijskimi vojskami. Heta pahražaje eskałacyjaj», — zajaviŭ kiraŭnik brytanskaha źniešniepalityčnaha viedamstva.
Čamu Izrail adbiŭ hrandyjozny ŭdar Irana? Biez dapamohi sajuźnikaŭ usio było b zusim nie tak radasna
Ministr abarony Brytanii nie vyklučaje pieradačy Kijevu łaziernaj zbroi
Ci ŭviadzie NATA va Ukrainu svaje vojski? Mierkavańni zachodnich ekśpiertaŭ