«Ciapier zrazumieła, čamu žyvaty balać». U Novaj Baravoj prablemy z vadoj, žycharam pra niebiaśpieku skazali praz tydzień
Žychary Novaj Baravoj u čatach rajona skardziacca na jakaść vady. U adnych z kranaŭ ciače niešta padobnaje da nafty. U inšych — vada byccam by čystaja, ale na nastupny dzień u joj utvorycca niezrazumieły asadak.
16.04.2024 / 17:33
Fota: kamientaryi ŭ supolnaści A-100 Kamfort
16 krasavika na skarhi adreahavali ŭ kampanii A-100. Tam paviedamili, što viedajuć pra prablemu i ciaham tydnia viaduć kamunikacyju z «Minskvodakanałam». U kampanii rekamiendavali žycharam rajona nie ŭžyvać vadu z-pad krana.
Paviedamleńnie vyklikała buru emocyj u žycharoŭ. Jany nie razumiejuć, čamu pra prablemy z vadoj nie paviedamlali ŭvieś tydzień.
«Viedali, što tydzień idzie kiepskaja vada, i maŭčali? Čamu raniej nie napisali pra prablemu? Da ŭčarašniaha viečara karystalisia vadoj z krana i filtra, nie padazrajučy prablemy, ciapier zrazumieła čamu žyvaty balać», — adznačyła adna z žycharak.
Jašče adzin kamientatar u supołcy A-100 raskazaŭ: u «Minskvodakanale» zajavili, što prablema na baku rajona, vada tudy padajecca čystaja.
Dniom kampanija A-100 paviedamiła, što z 13:30 «Minskavodakanał» budzie pravodzić pramyvańnie vadapravoda ŭ Novaj Baravoj. Jakaść vady moža pahoršycca, cisk moža źnizicca. U 18:00 u rajon pavinny pryvieźci čystuju pitnuju vadu. Pra toje, dzie budzie stajać mašyna z vadoj, pakul nie paviedamlajecca.
Čamu ŭ Minsku ŭ śpiakotnyja dni mocna śmiardzić?
Filtr dla vady, na stvareńnie jakoha natchnili abaryhieny
Bieź jeŭrapiejskich hrošaj: što budzie ź biełaruskimi darohami i vadoj?