U Minsku stvorać parkavuju zonu ŭ honar palotu ŭ kosmas Maryny Vasileŭskaj
Zona adpačynku «Kosmas» budzie stvorana ŭ miežach vulic Prytyckaha i Adojeŭskaha ŭ Frunzienskim rajonie.
20.04.2024 / 14:05
Uładzimir Kucharaŭ. Skrynšot videa Minharvykankama
«Pa prapanovie žycharoŭ rajona parkavaja zona budzie nazvanaja «Kosmas» u honar palotu pieršaha kasmanaŭta Biełarusi Maryny Vasileŭskaj. Jana taksama pražyvaje ŭ Frunzienskim rajonie, niedaloka adsiul, tamu hetaja zona budzie nazvanaja ŭ honar zavajavańnia biełarusami kosmasu», — padzialiŭsia padčas subotnika stiaršynia Minharvykankama Uładzimir Kucharaŭ.
«Było pryniata rašeńnie dobraŭparadkavać tut zonu adpačynku, ačyścić jaje ad kustoŭ, ustalavać łaŭki, zrabić darožki. Budzie ŭstanoŭlena dziciačaja placoŭka, spartyŭnaja placoŭka, źjavicca i kanatny haradok», — dadaŭ jon.
Naturalna, što zrabić heta ŭsio źbirajucca da 3 lipienia.
Maryna Vasileŭskaja palacieła ŭ kosmas 23 sakavika, pryčym palot byŭ adkładzieny na dvoje sutak. 6 krasavika jana viarnułasia na Ziamlu.
Vasileŭskaj prysvojena zvańnie Hieroja Biełarusi. Taksama kazali pra stvareńnie ŭ jaje honar skulptury.
Hierainia Biełarusi ci zvyčajnaja kaśmičnaja turystka? Niuansy palotu ŭ kosmas Maryny Vasileŭskaj
Stała viadoma, dzie ŭsio ž vučyłasia kasmanaŭtka Maryna Vasileŭskaja
Pytańnie, ci źjaŭlajecca Maryna Vasileŭskaja prafiesijnaj kasmanaŭtkaj, prajaśniŭ «Raskosmas»
Vasileŭskaja budzie atrymlivać piensiju za asablivyja zasłuhi
Botaŭ adpravili adbielvać Vasileŭskuju, stała viadomaja mietadyčka