Hramadstva77

Pytańnie, ci źjaŭlajecca Maryna Vasileŭskaja prafiesijnaj kasmanaŭtkaj, prajaśniŭ «Raskosmas»

Apošnim časam u suviazi z palotam biełaruski Maryny Vasileŭskaj u kosmas mnohija ekśpierty, žurnalisty i inšyja hramadzianie zadajucca pytańniem — možna hetuju žančynu ličyć prafiesijnaj kasmanaŭtkaj, ci jana prosta kaśmičnaja turystka? Zdajecca, kančatkovuju kropku ŭ hetym pytańni stavić infarmacyja, adšukanaja «Lusterkam» na sajcie «Raskosmasu».

Skład ekipaža «EP-21». Maryna Vasileŭskaja-udzielnik kaśmičnaha palotu. Skrynšot sajta gctc.ru

Maryna Vasileŭskaja pierad svaim palotam na MKS davoli praciahły čas praviała ŭ Centry padrychtoŭki prafiesijnych kasmanaŭtaŭ «Raskosmasu». Hetaja ŭstanova, jak zrazumieła z nazvy, zajmajecca arhanizacyjaj «adboru i padrychtoŭki kasmanaŭtaŭ (astranaŭtaŭ)».

Na sajcie centra jość raździeł «Ekipažy na padrychtoŭcy». U im — śpis ludziej, jakija rychtujucca palacieć u kosmas. Niahledziačy na toje, što Maryna Vasileŭskaja i Aleh Navicki ŭžo viarnulisia z arbity, infarmacyja pra ich dahetul jość u hetym raździele.

U śpisie členaŭ asnoŭnaha ekipaža EP-21 nasuprać imia Maryny Vasileŭskaj staić abrevijatura UKP, što značyć «udzielnik kaśmičnaha palotu». Jana ž paznačanaja nasuprać imia Anastasii Lankovaj — dublorki Vasileŭskaj.

Pasada Aleha Navickaha rasšyfroŭvajecca jak «kamandzir ekipaža», a Dajsan Trejsi — «bortinžynier ekśpiedycyi MKS».

Čamu abrevijatura UKP važnaja? Tamu što mienavita jaje «Raskosmas» vykarystoŭvaje dla paznačeńnia kaśmičnych turystaŭ.

Tak, u mai 2021 hoda pres-słužba centra padrychtoŭki kasmanaŭtaŭ paviedamlała pra zaćviardžeńnie składaŭ ekipažaŭ Mižnarodnaj kaśmičnaj stancyi z 2021 pa 2023 hady. Akramia, ułasna, prafiesijnych kasmanaŭtaŭ u śpisie byli aktrysa Julija Pieresild i režysior Klim Šypienka. U paviedamleńni paznačałasia, što jany — «udzielniki kaśmičnaha palotu dla zdymak epizodaŭ mastackaha filma pad pracoŭnaj nazvaj «Vyklik».

U śniežni taho samaha hoda CPK infarmavaŭ pra paśpiachovy zapusku rakiety-nośbita «Sajuz-2.1a». Adznačałasia, što ŭpieršyniu ŭ skład ekipaža, akramia kasmanaŭta «Raskosmasa» Alaksandra Misurkina, uvachodzili dva ŭdzielniki kaśmičnaha palotu: japonski pradprymalnik Jusaku Maezava i jahony pamočnik Joza Chirana. Asobna paviedamlałasia, što jany «stali adpaviedna vośmym i dziaviatym turystami, jakija naviedali MKS».

Razam z tym, udzielnikami kaśmičnaha palotu mohuć być nie tolki turysty, ale i inžyniery, navukoŭcy, vykładčyki, kiniematahrafisty, žurnalisty, «udzielniki kamiercyjnych, navukovych i inšych prahram», a taksama členy kaśmičnych ahienctvaŭ ź dziaržaŭ, jakija nie źjaŭlajucca krainami — partniorami MKS. Heta ŭkazana ŭ damovie ab Mižnarodnaj kaśmičnaj stancyi.

Ale Maryna Vasileŭskaja naŭrad ci padychodzić pad jakuju-niebudź z katehoryj, akramia turystyčnaj i členskaj: navukoŭcam jana nie źjaŭlajecca (žančyna zavočna vučyłasia na mieniedžara-ekanamista), pra jaje talenty ŭ inžyniernaj spravie, vykładańni, kiniematohrafie i žurnalistycy taksama ničoha nie viadoma.

Nie viadoma, jak mienavita było aformlenaje znachodžańnie biełaruski na MKS i chto za jaho płaciŭ.

Ale ŭ zaklučeńnie jość cikavy fakt: u 2007 hodzie Rasija zapuskała ŭ kosmas pieršaha čałavieka z Małajzii — šejcha Muzafara Šukora («Raskosmas» taksama nazvaŭ jaho ŭdzielnikam kaśmičnaha palotu). Zdaryłasia heta ŭ ramkach damovy, pavodle jakoj Kuała-Łumpur pavinna była zakupić u Maskvy 18 źniščalnikaŭ Su-30 na 900 miljonaŭ dalaraŭ.

Kamientary7

  • Čytač
    16.04.2024
    Hłavnoje - na pamiatnikie nie zabyť eto ukazať!!! ;)))))))))))))))))))))))
  • Tutžjšy
    16.04.2024
    Nie soramna turystu hieroja davać?
  • daviedka
    16.04.2024
    Putin vsio užie projaśnił v ukazie o nahraždienii ordienom Haharina, hdie:
    Novickij Oleh — instruktor-kosmonavt-ispytatiel otriada kosmonavtov;
    Prokoṕjev Sierhiej — instruktor-kosmonavt-ispytatiel otriada kosmonavtov;
    Vasilevskaja Marina — člen ekipaža Mieždunarodnoj kośmičieskoj stancii.

    http://publication.pravo.gov.ru/document/0001202404120001?index=2



 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?1

«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?

Usie naviny →
Usie naviny

U Kijevie raźvitalisia ź biełaruskim dobraachvotnikam «Miesiacam»

Jak Kreml vydaje staryja videa z Pucinym za novyja sustrečy, u tym liku i pierad sustrečaj z Uitkafam2

«Źjeździli za dzień 8 razoŭ». Što robicca na polskaj miažy, dzie pradavali vyjezd biez čarhi1

Niderłandcy cicha pierachodziać na čatyrochdzionku. Što pakazvaje ich dośvied?4

«Addali ŭvieś zarobak» vs «usio apłaciła dziaržava». Zbory ŭ škołu ŭ Biełarusi i ŭ Polščy5

«Siarod rasijan nazirajecca stoma». Letniaje nastupleńnie rasijskaj armii va Ukrainie pravaliłasia13

«Nie bačyŭ inšaha vyjścia». Baćka praz sud vyrašyŭ admovicca ad prablemnaha syna6

U Ašmianach chłopiec raskazaŭ žoncy pra svaju zdradu. Toj taksama było što raskazać — zaviedziena kryminałka28

Ahient Dudkin raskazaŭ, jakija ahienty samyja niebiaśpiečnyja. Spojler: nie jon10

bolš čytanych navin
bolš łajkanych navin

«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?1

«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?

Hałoŭnaje
Usie naviny →

Zaŭvaha:

 

 

 

 

Zakryć Paviedamić