Padaražeje prajezd u elektryčkach i ciahnikach
Apošni raz ceny na hetym rynku mianialisia ŭ červieni 2023-ha.
24.04.2024 / 08:11
Ilustracyjnaje fota «Naša Niva»
Najližejšym časam u Biełarusi padaražejuć kvitki na haradskich i rehijanalnych čyhunačnych maršrutach. Vyrastuć ceny i na pieravozku bahažu, što praduhledžana pastanovaj Ministerstva antymanapolnaha rehulavańnia i handlu.
Dakumient pakul nie apublikavany, ale paviedamlajecca, što jon uvojdzie ŭ dziejańnie praź piać dzion paśla aficyjnaha apublikavańnia.
Tak, taryfy na pieravozku pasažyraŭ na haradskich čyhunačnych linijach vyrastuć na 7 kapiejek u miežach adnaho taryfnaha pojasa (naprykład, pa napramkach Minsk — Haradzišča, Minsk — Fanipal, Brest — Žabinka i inš.). A taksama ŭ miežach dvuch taryfnych pajasoŭ pa adnym kirunku (naprykład, Minsk — Nieharełaje, Hrodna — Skidziel i inš.).
Paviedamlajecca, što ŭ miežach 2-4 taryfnych pajasoŭ pa dvuch napramkach ceny vyrastuć na 14 kapiejek. Pry hetym na niazručnyja adkidnyja miescy praduhledžany panižalny kaeficyjent 0,7. Na kolki daražej budzie pieravozka bahažu, pakul nie paviedamlajecca.
U ciahnikach Hiermanii źjaviacca dvuchmiesnyja «kupe dla pacałunkaŭ»
U ciahnikach na Minščynie stanie bolš uzbrojenaj aŭtamatami milicyi
Pamiž Minskam i Maskvoj chočuć puścić čartarnyja ciahniki, kab rasiejcam jeździć na karparatyvy