Skrynšot videa Bild
Ciapier u chutkasnych mižharodnich ciahnikach Hiermanii (Intercity-Express, ICE) u asnoŭnym abo ahulnyja vahony ź siadzieńniami, abo kupe na šeść kresłaŭ.
Deutsche Bahn anansavała ŭviadzieńnie ŭ ICE novych zakrytych dvuchmiesnych kupe daŭžynioj 2 mietry i šyrynioj 70 sm. Ahladalnik Bild Burkchard Ulenbrojch nazyvaje ich «kupe dla pacałunkaŭ» i «ICE-revalucyjaj», piša Bild.
«Zaraz my raspracoŭvajem novyja kancepcyi kupe dla ICE u suadnosinach 1:1. Jany dazvolać vieści pryvatnyja i kanfidencyjnyja razmovy ŭ abaronienym stanoviščy. Ciapier my testujem hetyja kupe na hrupach pasažyraŭ», — raspavioŭ člen praŭleńnia Deutsche Bahn Michael Pietersan.
U Deutsche Bahn pakul nie raskryvajuć dakładnych terminaŭ uviadzieńnia novych pryvatnych kupe, a taksama ich aficyjnaj nazvy. Na sajcie Bild zapuščana anłajn-hałasavańnie, jak ich varta nazvać. Z 11 varyjantaŭ pakul što lidzirujuć pryvatny pakoj (Privat-Room), pakoj dla abdymańniaŭ (Kuschel-Kammer) i antystresavaje kupe (Anti-Nerv-Abteil).
