Hramadstva

Precedent: dvuchtomnik Dunina-Marcinkieviča vyklučyli sa śpisu ekstremisckich materyjałaŭ

Sa śpisu «ekstremisckich materyjałaŭ» upieršyniu vyklučyli adzin punkt. Havorka idzie pra zborniki tvoraŭ Vincenta Dunina-Marcinkieviča, vypuščany ŭ 2007-2008 hadach.

Paŭhoda na sajcie Mininfarma značyłasia, što dvuchtomnik Dunina-Marcinkieviča — heta «ekstremisckija materyjały» ŭ adpaviednaści z rašeńniem Žytkavickaha suda ad 8 listapada 2023 hoda. Ciapier rašeńnie admieniena pastanovaj prezidyuma abłasnoha suda.

Havorka išła pra dva tamy, vypuščanyja dziaržvydaviectvam «Mastackaja litaratura» ŭ 2007 i 2008 hadach:

— Zbor tvoraŭ. U 2 t. T. 1. Dramatyčnyja tvory, vieršavanyja apovieści i apaviadańni / Vincent Dunin-Marcinkievič; układ. z tekst. padrycht., pradm., pierakł. i kamient. Ja.Januškieviča. — Minsk: Mast. lit., 2007. — 494 s.: [16] ł. ił. (abhruntavańnie — «u vydańni vyjaŭlenaja padobnaja pradmova Jazepa Januškieviča»);

— Zbor tvoraŭ. U 2 t. T. 2. Vieršavanyja apoviesci i apaviadanni, vieršy, publicystyka, listy i pasłanni, pierakłady, Dubia / Vincent Dunin-Marcinkievič; układ. z tekst. padrycht., pier/ Ja.Januškieviča. — Minsk: Mast. lit., 2008. — 598 s.: [16] ł. ił. (praz toje, što ŭ vydańni «vyjaŭlenyja padobnyja teksty tvoraŭ «Płyvuć viatry» i «Hutarka staroha dzieda», jakija prypisvajucca V. Duninu-Marcinkieviču i ŭklučanyja ŭ zaklučnuju častku pad nazvaj «Dubia»»).

Kamientary da artykuła