Kupałaŭcy prezientujuć śpiektakl pa apaviadańniach Maksima Znaka
Premjera adbudziecca 7 maja ŭ Varšavie.
29.04.2024 / 07:53
7 maja ŭ Varšavie adbuducca dva premjernyja pakazy śpiektakla Kupałaŭcaŭ «Zekamieron» pavodle adnajmiennaha cykła apaviadańniaŭ Maksima Znaka. Śpiektakli projduć ŭ 18:00 i ŭ 20:30 na scenie Przodownik Teatru Dramatycznego ( Olesińska 21)
Kvitki vy možacie znajści pa spasyłcy
Maksim Znak napisaŭ «Zekamieron» u SIZA na Vaładarskaha, dzie jaho zvyšzdolnaści dazvolili jamu ŭspryniać turemny dośvied i pieraŭvasobić ŭ šerah apaviadańniaŭ.
Advakat Maksim Znak u mai 2020 hoda dałučyŭsia da Štaba Viktara Babaryki, staŭ jaho jurystam. Byŭ zatrymany 8 vieraśnia 2020 hoda i praz hod asudžany na 10 hadoŭ kałonii. Pakarańnie adbyvaje ŭ kałonii «Vićba». Bolš za hod pra jaho ničoha nie čuvać.