«Zekamieron» Maksima Znaka ŭvajšoŭ u šort-list brytanskaj premii
Premija Respubliki Śviadomaści (Republic of Consciousness Prize), jakoj štohod hanarujecca mastackaja litaratura, vydadzienuju nievialikimi vydaviectvami Vialikabrytanii i Irłandyi, abviaściła karotki śpis 2024 hoda. U piaciorku ŭvajšoŭ dakumientalny raman biełaruskaha palitviaźnia Maksima Znaka, piša Bellit.info.
![](http://nnexpictures.fra1.digitaloceanspaces.com/img/w732d4webp1/photos/z_2024_03/znak_maksim-1-scaled-1-1000x500-uvi3c.jpg.webp)
Kniha była pierakładzienaja Džymam i Ełaj Dynhli i vydadzienaja ŭ vydaviectvie Scotland Street Press.
U karotkaj anatacyi na sajcie premii pra knihu skazana:
«100 apaviadańniaŭ u «Zekamieronie» (The Zekameron) zasnavanyja na «Dekamieronie» XIV stahodździa, ale Maksim Znak bližejšy da Bekieta, čym da Bakača. Banalnaść i žorstkaść supierničajuć sa zdolnaściu čałavieka tryvać pryhniot. Roznahałosyja historyi Znaka składajuć 100 dzion źniavoleńnia ŭ biełaruskaj turmie. Łakanična, iranična; suchi humar. Hetyja historyi śviedčać pra supraciŭ i samaśćviardžeńnie, a taksama pra ščyruju ciepłyniu i ŭdziačnaść tavaryšam-viaźniam. Hetyja apaviadańni Znak pisaŭ u źniavoleńni, ale potym jany zmahli trapić za ścieny turmy».
![](http://nnexpictures.fra1.digitaloceanspaces.com/img/w732d4webp1/photos/z_2024_03/18-2048x2048-hl7js.png.webp)
«Padmanliva lohkija, ale mocnyja historyi źniavolenaha biełaruskaha jurysta i aktyvista. Sapraŭdy važnaja kniha», — miarkuje žury premii.
U Hiermanii vydali aŭdyjaknihu «Zekamieron» Maksima Znaka pa-niamiecku
Biełaruskija advakaty, raskidanyja pa śviecie, pavinšavali Maksima Znaka z dniom narodzinaŭ
«Razychodzicca dobra». Vydaviec pra knihu źniavolenaha Maksima Znaka «Zekamieron»
«Chleb — ad prastudy, dla zuba — nožka časnaku». Apublikavanaja častka apaviadańniaŭ, jakija juryst Maksim Znak napisaŭ u SIZA, i heta vielmi talenavita!
Kamientary