Cichanoŭskaja patroliła Łukašenku i novuju rezidencyju, jakuju jamu prypisvajuć
Niadaŭna «Biełpoł» i «Biełsat» vypuścili rasśledavańnie pra novuju mierkavanuju rezidencyju Alaksandra Łukašenki, jakaja budujecca ŭ Sočy. Heta vialiki katedž z basiejnam, kuchniami dla chałodnych i haračych stravaŭ, asobnymi pakojami dla achovy i navat dla łyž. Śviatłana Cichanoŭskaja adreahavała na hetu infarmacyju.
08.05.2024 / 15:00
Alaksandr Łukašenka ŭ čas vizitu ŭ Maskvu 12 krasavika 2024 hoda. Fota: Contributor Getty Images
«Paviedamlajecca, što biełaruski dyktatar buduje raskošny dom dla adpačynku ŭ Sočy dla vychadu na piensiju. U mianie inšaja ideja: u Haazie jość meblavanyja pakoi, prydatnyja dla tych, u kaho jość sudzimaść za złačynstvy i parušeńni pravoŭ čałavieka. Narešcie spraviadlivaść — heta toj piensijny płan, jakoha jon sapraŭdy zasłuhoŭvaje», — napisała ŭ tvitary Cichanoŭskaja i dadała fota haahskaha pakoja.
Skryn dopisu Cichanoŭskaj u tvitary
Učastak u Krasnaj Palanie ŭ Sočy, dzie budujecca katedž, raniej naležaŭ biełaruskaj dziaržavie. Ale paśla byŭ pierapradadzieny pa istotna zanižanaj canie i ciapier va ŭłasnaści firmaŭ, źviazanych z Łukašenkam.
Cichanoŭskaja pradstaviła try mahčymyja scenary pieramien u Biełarusi
Cichanoŭskaja sustrełasia z kiraŭnikom NATA