Pucin sustreŭsia ź Si Czińpinam u Piekinie
Kiraŭnik Kitaja čakaŭ rasijskaha prezidenta na płoščy, dzie stajała hanarovaja varta.
16.05.2024 / 07:33
Skrynšot videa Puł №3
Prezident Rasii Uładzimir Pucin, što prylacieŭ učora ŭviečary ŭ Piekin, prybyŭ da Doma narodnych schodaŭ. Si Czińpin čakaŭ rasijskaha prezidenta na płoščy, dzie stajała hanarovaja varta, piša RBK.
Pucin pryjechaŭ da miesca praviadzieńnia sustrečy na aŭtamabili Taurus. Jon i Si Czińpin pacisnuli adzin adnamu ruki, a zatym pavitali delehacyi dźviuch krain.
Paśla hetaha Pucin i staršynia Kitaja padnialisia na śpiecyjalny pamost z tentam, adkul stali nazirać za vystupam vajskovaha arkiestra Narodna-vyzvalenčaj armii Kitaja. Na cyrymonii vykanali himny Rasii i Kitaja ŭ adpaviednaści z pratakołam.
Cyrymonija doŭžyłasia kala 15 chvilin. Paśla jaje zaviaršeńnia Pucin i Si Czińpin prajšli ŭ Dom narodnych schodaŭ pa čyrvonaj dyvanovaj darožcy, rasstielennoj pa płoščy. Tam jany zrabili sumiesnaje aficyjnaje fota.
Padčas vizitu ŭ Pucina zapłanavanyja pieramovy ź Si Czińpinam jak u vuzkim, tak i ŭ pašyranym składzie.