Viertalot prezidenta Irana ŭrezaŭsia ŭ haru?
Da takoj vysnovy pryjšoŭ niamiecki eśpiert pa analizie adrytych danych Julijan Repkie.
20.05.2024 / 18:45
Skrynšot: Press TV
Julijan Repkie ličyć, što viertalot Bell 212, na jakim lacieŭ prezident Irana Ebrachim Raisi, nie pryznačany dla palotaŭ u ciažkich mieteaŭmovach. Lotčyki, piłatujučy taki viertalot, vymušanyja abapiracca na naziemnyja aryjenciry.
Na hetym amierykanskim viertalocie 1994 hoda vytvorčaści ustalavany nievialiki i niedaskanały prybor GPS-navihacyi. Pry kiepskaj bačnaści lotčykam vielmi ciažka piłatavać, piša Bild.
Pavietrany šlach prezidenckaha viertalota z Azierbajdžana ŭ Tebryz na tracinu pralahaŭ praz hory Arasbaran, vyšynia jakich dasiahaje amal 3000 mietraŭ. Hory pakrytyja hustymi lasami. 19 maja tam loh taki tuman, što vizualna aryjentavacca było praktyčna niemahčyma. Repkie nazyvaje taki palot «samahubčym».
«Viertalot sprabavaŭ lacieć praz daliny. Ale na adnym z apošnich hornych pieravałaŭ, pierad tym jak znoŭ spuścicca ŭ dalinu, na vyšyni 2250 mietraŭ jon urezaŭsia ŭ haru. Śpieradu i zzadu lacieli dva inšyja viertaloty, heta byli savieckija Mi-8. Umovy nadvorja na momant padzieńnia byli takimi drennymi, što abodva nie zaŭvažyli, jak adzin ź viertalotaŭ vypaŭ z kałony i ŭrezaŭsia ŭ haru», — miarkuje Repkie.
Na jahonuju dumku, piłoty viertalota supravadžeńnia zaŭvažyli prapažu tolki paśla prybyćcia ŭ Tebryz.
Viertalot z prezidentam Irana Ebrachimam Raisi i ministram zamiežnych spraŭ Chasiejnam Amiram Abdałachijanam raźbiŭsia 19 maja ŭ harach niedaloka ad miažy z Azierbajdžanam. Nichto z tych, chto znachodziŭsia na borcie, nie vyžyŭ.
Iranski pasoł nazvaŭ imaviernuju pryčynu krušeńnia viertalota prezidenta Raisi
Avaryja ź viertalotam prezidenta Irana zdaryłasia ŭ dalikatny momant dla mižnarodnych adnosin
Ź miesca krušeńnia viertalota dastali cieła prezidenta Irana
Znojdzieny viertalot z prezidentam Irana na borcie. Na miescy katastrofy žyvych niama