«Z žyćcia pajšli sapraŭdnyja siabry Biełarusi». MZS vykazała spačuvańni z pryčyny hibieli prezidenta Irana
Ministerstva zamiežnych spraŭ Biełarusi vykazała spačuvańni ŭ suviazi z hibiellu prezidenta Irana Ibrachima Raisi i ministra zamiežnych spraŭ Chasejna Amira Abdałachijana, a taksama inšych achviar katastrofy viertalota.
![](http://nnexpictures.fra1.digitaloceanspaces.com/img/w732d4webp1/photos/stock/ministry_of_foreign_affairs_of_belarus_p03-domli.jpg.webp)
Budynak MZS Biełarusi. Fota: Naša Niva
«My ź vialikim bolem uspryniali apošnija naviny ź Irana. Heta niezamiennaja strata nie tolki dla iranskaha hramadstva. Z žyćcia pajšli sapraŭdnyja siabry Biełarusi. Ščyryja spačuvańni rodnym i blizkim zahinułych, stojkaści i mužnaści ŭsiamu narodu Irana», — havorycca ŭ akaŭncie MZS u tvitary (Ch).
Pra katastrofu viertalota z prezidentam Irana na borcie stała viadoma ŭčora. Viertalot upaŭ u iranskaj pravincyi Uschodni Azierbajdžan. Siońnia pad ranicu pavietranaje sudna była znojdziena. Nichto nie vyžyŭ.
Kamientary