Šviecyja spraściła pracedury lehalizacyi i źmianiła acenku Biełarusi
Śviatłana Cichanoŭskaja ździejśniła vizit u Šviecyju, adnoj z padziejaŭ Stała sustreča biełaruskaj demakratyčnaj lidarki ź ministram zamiežnych spravaŭ Tobijasam Bilstromam.
23.05.2024 / 11:59
U sustrečy taksama ŭdzielničała śpiecpasłańnica Šviecyi pa pracy z demakratyčnymi siłami i byłaja ambasadarka ŭ Biełarusi Kryścina Jochaniesan, paviedamlaje pres-słužba Śviatłany Cichanoŭskaj.
Cichanoŭskaja padziakavała ministru za zapusk praceduraŭ pa spraščeńni pracedury lehalizacyi dla biełarusaŭ i biełarusak: ciapier možna atrymać šviedskija dakumienty z praterminavanym pašpartam.
Taksama Šviecyja źmianiła acenku Biełarusi — naša kraina bolš nie ličycca biaśpiečnaj. Raniej heta słužyła pryčynaj dla admovaŭ biełarusam i biełaruskam u lehalizacyi.
Akramia taho, palityki abmierkavali supolnyja mierapryjemstvy padčas hienasamblei AAN i ministerskaj sustrečy Paŭnočna-Bałtyjskaj vaśmiorki.
Śviatłana Cichanoŭskaja zaklikała ministra prapanavać inšym krainam dałučycca da Mižnarodnaha humanitarnaha fondu ŭ padtrymku palitviaźniaŭ, jaki byŭ stvorany ŭ Narviehii.
Asobna na sustrečy ŭzdymałasia pytańnie padtrymki biełaruskaj hramadzianskaj supolnaści: pavieličeńnie stypiendyjaŭ, padtrymka dla miedyja i kulturnickich inicyjatyvaŭ, prahramy dla moładzi i arhanizacyja kursaŭ pa dziaržaŭnym kiravańni i dypłamatyi dla pradstaŭnikoŭ demakratyčnych siłaŭ.
Šviecyja vydaść 430 tysiač jeŭra na humanitarny fond padtrymki palitviaźniaŭ Biełarusi
Historyk znajšoŭ u Šviecyi paštoŭku, jakuju padpisaŭ bolš za sto hadoŭ tamu biełarus na eśpieranta