Kupałaŭcy prezientavali jutub-premjeru prajekta pa tvorach palitviaźniaŭ — vyjšła vielmi kranalna
Na jutubie «Volnych Kupałaŭcaŭ» źjaviŭsia novy videaprajekt — «Słova z-za krataŭ». Heta stužka žyvych malunkaŭ, zasnavanaja na šerahu tvoraŭ i listoŭ biełaruskich palitviaźniaŭ.
27.05.2024 / 11:44
«Hety prajekt pra naša jadnańnie. Jadnańnie tych biełarusaŭ, što apynulisia ŭ niavoli, i tych, što byli vymušanyja źjechać za miažu, tych, chto namahajecca žyć dalej u rodnaj krainie, i tych, kaho, na žal, my stracili nazaŭždy», — tłumačać akciory.
Mahičny vizualny šerah dla prajekta padrychtavała mastačka Alaksandra Kanafalskaja, a muzyku napisaŭ kampazitar Eryk Arłoŭ-Šymkus.