«Mošak kaspłejać». Pad Mahilovam zaŭvažyli našeście busłoŭ
Žycharka Mahiloŭskaj vobłaści padzialiłasia ŭ sacsietcy videarolikam ź vialikaj kolkaściu busłoŭ u adnym miescy. Ptuški litaralna ablapili biarozy, jakija znachodziacca pa pierymietry, piša Telegraf.news.
28.05.2024 / 16:18
Aŭtarka videarolika ŭ kamientarach raskazała, što hetaje vidovišča jana nazirała kala svajho doma, i spačatku jano zdałosia joj mistyčnym.
Šmat chto va ŭbačanym ŭbačyŭ pasłańnie źvierchu, pradrakajučy aŭtarcy videarolika papaŭnieńnie.
«Dva hady tamu da mianie na dom adzin tak prylacieŭ, 13.05.24 naradziła syna. Tak što zadumajciesia», — napisała adna dziaŭčyna.
«U ich schod, piacichvilinka», — vykazaŭ svaju viersiju jašče adzin kamientatar.
«Mošak kaspłejać», — pažartavaŭ jašče chtości.
Była i bolš surjoznaja viersija:
«Całkam mahčyma, što heta maładyja busły-padletki (kala 2-3 hadoŭ), a jak lubyja padletki jany tusujucca čaradoj, a nie parami, jak darosłyja», — vykazaŭ mierkavańnie adzin z karystalnikaŭ tyktoku.
Nad Čarnobylskaj zonaj zładzili pavietrany boj arłany-biełachvosty i bieły busieł FOTY
Sioleta ŭ Biełarusi, zdajecca, stvaryli siamju čorny busieł i biełaja buślicha
Dzie možna pašpijonić za ptušynymi hniozdami ŭ internecie?
Entamołah sprahnazavała, kali skončycca našeście škodnych mošak na Homielščynie