Nad Čarnobylskaj zonaj zładzili pavietrany boj arłany-biełachvosty i bieły busieł FOTY
U sacyjalnych sietkach źjavilisia fota, na jakich vyjaŭleny pavietrany boj vialikich ptušak, jaki adbyŭsia ŭ niebie nad Čarnobylskaj zonaj.
Bieły busieł lacieŭ praz Čarnobylskuju zonu, a arłan-biełachvost, jaki siadzieŭ na drevie, pabačyŭ ptušku ź vialikaj adlehłaści i adrazu pačaŭ za joj pahoniu. Pry hetym dziela takoj zdabyčy arłan praihnaravaŭ niekalki vialikich biełych čaplaŭ, jakija byli značna bližej da jaho.
Chutka dahnaŭšy busła, arłan pačaŭ jaho atakavać. Busieł viortka ad jaho vykručvaŭsia, ale štoraz stračvaŭ vyšyniu. Paśla ž jahonaje stanovišča stała jašče bolš składanym, bo da pieršaha arłana dałučyŭsia druhi.
«Ja zhubiŭ usich ptušak, kali jany byli ŭžo nizka nad ziamloj, tamu nie bačyŭ finała. Ale jon vidavočny — u biełaha busła niama nivodnaha šansa ŭratavacca ad arłana, kali tolki nie kinucca pad nohi ludziam», — piša vidavočca hetaj pavietranaj bitvy.
Zdymki rabilisia vidavočcam z davoli vialikaj adlehłaści, kala 2 kiłamietraŭ.
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im10
Kamientary