Zamazvać «pieramožnuju» simvoliku na byłym polskim docie pad Lachavičami adpravili beeresemaŭcaŭ
U telehram-kanale rajonnaj haziety «Lachavicki vieśnik» źjaviŭsia repartaž pra «ŭparadkavańnie» byłoha polskaha dota, na jaki z-za niaviedańnia miascovymi prapahandystami historyi ŭlapili nadpisy, jakija ŭsłaŭlajuć pieramohu ŭ «Vialikaj Ajčynnaj vajnie», choć sami zbudavańni nie tolki nie majuć da jaje nijakaha dačynieńnia, ale budavalisia dla abarony Polščy ad savieckaha napadu.
30.05.2024 / 18:28
Fota: t.me/novostilyahovichi
Likvidacyju nadpisaŭ aformili z pompaj: z hetaj metaj adździeł ideałahičnaj raboty i pa spravach moładzi Lachavickaha rajvykankama i Moładzievy parłamient pry miascovym rajsaviecie arhanizavali ceły aŭtaprabieh i akcyju «Pracoŭny desant».
Skrynšot ź videa: t.me/novostilyahovichi
Niekalki mašyn, z usich bakoŭ abstaŭlenych dziaržaŭnaj simvolikaj, uračysta prajechali pa horadzie, a na miescy lachavickija praŭładnyja moładzievyja aktyvisty zamazali niedarečnyja nadpisy cemientnym rastvoram.
Fota: t.me/novostilyahovichi
Paśla, vidać, dla prafiłaktyki padobnych kazusaŭ u budučyni hałoŭnaja śpiecyjalistka rajvykankama zładziła «mini-ekskurs pa DOTach Lachavickaha rajona».
Tak vyhladaŭ dot pad Lachavičami da «ŭparadkavańnia»
Z dota pad Lachavičami ściaruć nadpisy, jakija prasłaŭlali «Vialikuju pieramohu»
U Lachavičach dumajuć pra Paryž i Łondan
Major milicyi ź Lachavičaŭ pamior va ŭzroście 41 hod