Andrej Čarankievič. Fota: lves.by, dla palapšeńnia jakaści zdymak byŭ apracavany štučnym intelektam
Pamierłamu byŭ 41 hod, u milicyi jon prasłužyŭ amal 20 ź ich. Pačynaŭ dziažurnym u izalatary časovaha ŭtrymańnia, paśla pierajšoŭ u kryminalny vyšuk.
Dasłužyŭsia da pasady staršaha opierupaŭnavažanaha adździaleńnia kryminalnaha vyšuku Lachavickaha RUUS i mieŭ zvańnie majora.
Pa źviestkach z «Čornaj knihi Biełarusi», Čarankievič udzielničaŭ u represijach:
«U žniŭni 2020-ha daŭ kamandu na zachop mirnych hramadzianaŭ i ŭdzielničaŭ u zatrymańni. Pierakonvaje padpisvać sfabrykavanyja pratakoły, zajmajecca vymańniem techniki i padmanam zaprašaje na dopyty. 13 listapada 2020 udzielničaŭ u zatrymańni mirnych žycharoŭ Lachavičaŭ, jakija vyjšli ŭšanavać pamiać zabitaha Ramana Bandarenki», — piša kanał «ČKB Brest i vobłaść».
Pa źviestkach kanała «Čornaja kniha Biełarusi», na fota — Andrej Čarankievič padčas razhonu pratestaŭ
Pryčyna śmierci Čarankieviča nieviadomaja. U jaho zastałasia žonka i niepaŭnaletniaje dzicia.
Budźcie strymanymi pry kamientavańni padobnych navinaŭ u miesiendžarach i sacsietkach. U ciapierašnich realijach navat niejtralnaje vykazvańnie na hetuju temu moža pryvieści da zaviadzieńnia kryminalnaj spravy.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
U Mahilovie padpałkoŭnik milicyi pamior va ŭzroście 46 hadoŭ
