«Kibierpartyzany» ŭzłamali ŭnutranuju sietku BDU i panazirali, jak tam kruciacca žorny represij
«Kibierpartyzanam» udałosia ŭzłamać unutranuju sietku BDU i spampavać ź jaje šmat materyjałaŭ amal hod tamu, letam 2023 hoda. Analiz hetych i inšych materyjałaŭ daŭ im mahčymaść pračynić vakienca va «ŭnutranuju kuchniu» najbujniejšaj biełaruskaj VNU.
03.06.2024 / 21:42
Fota ilustracyjnaje
Siarod materyjałaŭ, da jakich kibierpartyzanam udałosia atrymać dostup, jak zajaŭlajecca, «spravazdačy ŭ HUUS, prakuraturu, administracyju Łukašenki adnosna palityčna matyvavanych zvalnieńniaŭ i adličeńniaŭ, sačeńnia za vykładčykami, parušeńnia normaŭ marali, intryhaŭ i kryvadušnaści navat u dačynieńni da ŭłasnych «paplečnikaŭ».
Chakiery nahadvajuć, što rektar BDU Andrej Karol 14 žniŭnia 2020 hoda vypuściŭ zvarot, u jakim zapeŭniŭ, što za ŭdzieł u mirnych akcyjach adličeńniaŭ i zvalnieńniaŭ u BDU nie budzie. Na praktycy ž było zusim inačaj. U zdabytym kibierpartyzanami nieaficyjnym liście ad kiraŭnictva VNU prakuroru Maskoŭskaha rajona horada Minska Viktaru Šabanu śćviardžajecca, što z 9 žniŭnia 2020 hoda pa palityčnych matyvach u BDU zvolnienyja 50 rabotnikaŭ, dvoje atrymali zaŭvahi, a troje — vymovy. Akramia taho, byli adličanyja 140 studentaŭ.
Adnak heta tolki viaršynia ajśbierha, bo našmat bolš vykładčykaŭ BDU vymusili pakinuć miesca pracy pa parazumieńni bakoŭ. Z dynamiki kadravych pakazčykaŭ BDU z 2018 pa 2022 hady vynikaje, što tolki za 2 hady zajmanyja pasady pakinuli bolš za 450 čałaviek.
Skryn z dakumienta «Dynamika kadravych pakazčykaŭ BDU 2018 2022»
Pry hetym na adnym z kampjutaraŭ va ŭnutranaj sietcy BDU zachoŭvalisia aŭdyjozapisy. Siarod ich byŭ i zapis rektara Andreja Karala, na jakim jon zajaŭlaje, što pad palityčnuju čystku va ŭniviersitecie trapili nie mienš za 500 rabotnikaŭ.
Pry hetym vyhladaje, što rektar BDU sam dapamahaŭ MUS zatrymlivać studentaŭ, jon asabista danosiŭ znajomamu supracoŭniku MUS Andreju Halenku pra toje, dzie i jak prachodziać studenckija akcyi. Zachavałasia adpaviednaja pierapiska ŭ vajbiery.
«Kibierpartyzanam» udałosia taksama skłaści koła supracoŭnikaŭ BDU, jakija najbolš aktyŭna dapamahali Andreju Karalu razharnuć represiŭnuju kampaniju ŭ ścienach univiersiteta.
«Usie ludzi, čyje imiony i fota vy bačycie nižej, a taksama šerah inšych supracoŭnikaŭ BDU, pačynajučy z 2020 hoda, na praciahu 4 hadoŭ zajmajucca zapałochvańniami, ciskam, sačeńniem, palityčnymi zvalnieńniami, adličeńniami i danosami na studentaŭ i vykładčykaŭ u siłavyja struktury režymu», — śćviardžajuć chakiery.
Sa śpiecsłužbaŭ, orhanaŭ ułady i struktur MUS adkryta pastupajuć zahady, jakija vidavočna parušajuć zakon. Tak, siarod atrymanych dakumientaŭ jość aficyjny zapyt z HUBAZiKa ad namieśnika načalnika ŭpraŭleńnia Dźmitryja Kovača, jaki patrabuje nie dapuścić pastupleńnia ŭ VNU abituryjenta tolki na padstavie taho, što jon udzielničaŭ u mirnych akcyjach pratestu i pakidaŭ kamientary ŭ internecie suprać režymu.
Taksama «Kibierpartyzany» apubličvajuć najnoŭšyja materyjały pra represii, jakija adbylisia za apošni hod.
U videa z rasśledavańniem jany pryviali frahmienty dopytu rektaram BDU dvuch vykładčykaŭ za začynienymi dźviaryma kabinieta 22 žniŭnia 2023 hoda, padčas jakoha jon prymušaje supracoŭnikaŭ pisać tłumačalnyja z nahody ich palityčnaj pazicyi i znachodžańnia ŭ miescach praviadzieńnia masavych akcyj pratestu.
Taksama apublikavany aŭdyjozapis za 2024 hod, na jakim štatny supracoŭnik KDB Jarasłaŭ Čarkaski, jaki zajmaje ŭ BDU pasadu prarektara pa biaśpiecy i kadrach, havoryć pra toje, što dvuch supracoŭnikaŭ univiersiteta treba zvolnić pa palityčnych matyvach. Pryčym zrabić heta pavinien peŭny supracoŭnik, u čyjoj łajalnaści ŭ KDB sumniavajucca, pakolki raniej toj nie ŭdzielničaŭ u ideałahičnych čystkach VNU.
Pra inšyja tajamnicy kiraŭnictva BDU «Kibierpartyzany» abiacajuć raskazać u nastupnych častkach svajho rasśledavańnia.
«Na pradpryjemstvie panika». «Kibierpartyzany» zajavili pra novuju ataku na «Hrodna Azot»
Danosčyki zaraz dvojčy padumajuć
Ściapana Łatypava zdaŭ KDB jahony rasijski kaleha-arbaryst. Ale sam sprabuje admaŭlać heta