U Aŭstryi palicyja 46 kiłamietraŭ hnałasia za hruzavikom ź biełarusam i navat stralała pa im
Ranicaj u minułuju sieradu, 29 maja, na aŭstryjskim aŭtabanie A12 uvahu vidavočcaŭ svaim stylem jazdy pryciahnuŭ hruzavik.
04.06.2024 / 11:14
Vidavočca patelefanavaŭ u palicyju i paviedamiŭ, što kiroŭca biezrazvažna kiravaŭ aŭtamabilem, pastajanna ruchaŭsia ŭ levaj pałasie i pieraśledvaŭ inšych udzielnikaŭ darožnaha ruchu, piša abw.by.
Palicejski patrul vyjaviŭ hruzavik niedaloka ad Miunstera (pravincyja Tyrol). Palicyjanty ŭklučyli probliskavyja majački. Adnak kiroŭca praihnaravaŭ patrabavańni ab spynieńni i zajechaŭ na zakryty ŭčastak darožnych rabot. Tam jon pierajechaŭ praz aharodžu. Tolki prajechaŭšy bolš za 46 kiłamietraŭ, palicyja zmahła spynić kiroŭcu hruzavika na vyjeździe ź Viorhla.
Adnak kiroŭca znoŭ pasprabavaŭ źjechać. I tady palicyjanty zrabili dva papieradžalnyja streły ŭ pavietra. Mužčyna spyniŭ hruzavik, ale kab jaho narešcie aryštavali, daviałosia ŭžyć piarcovy bałončyk. Paśla akazańnia pieršaj dapamohi ekstrannymi słužbami 37-hadovy kiroŭca byŭ dastaŭleny ŭ balnicu. Kiroŭca akazaŭsia hramadzianinam Biełarusi. U jakoj jeŭrapiejskaj transpartnaj kampanii jon pracuje, nie paviedamlajecca.
Z-za incydentu trasu A12 navat pryjšłosia začyniać na karotki čas. Mužčynu pradjaŭlena abvinavačvańnie ŭ sprobie supracivu supracoŭnikam dziaržaŭnaj ułady i roznych inšych parušeńniach.
34-hadovy dalnabojščyk z Baranavičaŭ, imavierna, zahinuŭ u Francyi
Biełaruski dalnabojnik trapiŭ u śmiarotnaje DTZ u Polščy
U Italii znajšli miortvym biełaruskaha dalnabojščyka