34-hadovy dalnabojščyk z Baranavičaŭ, imavierna, zahinuŭ u Francyi
Pra źniknieńnie biełaruskaha dalnabojščyka Alaksandra Šaviejki kala francuzskaha horada Niemur paviedamiła supołka dalnabojščykaŭ Biełarusi ŭ instahramie. Vierahodna, mužčyna zahinuŭ, ale žonka Vieranika dahetul nie moža atrymać aficyjnuju infarmacyju ad pracadaŭcy muža.
Alaksandru 34 hady, jon z Baranavičaŭ. Pracuje dalnabojščykam u litoŭskaj kampanii «Bałtyktransłajn». Jak paviedamlajecca, žonka Alaksandra nie mahła stelefanavacca z mužam z 26 maja. U toj momant dalnabojščyk pavinien byŭ znachodzicca kala francuzskaha horada Niemur, heta pryharad Paryža.
Vieranika paprasiła siabra muža pasprabavać patelefanavać Alaksandru. U hety raz na vyklik adkazali — čałaviek pradstaviŭsia palicejskim i paviedamiŭ, što Alaksandr zahinuŭ. Jaho źbiŭ hruzavik.
U paniadziełak, 27 maja, Vieranika patelefanavała pracadaŭcu muža, kab atrymać aficyjnuju infarmacyju, ale ničoha kankretnaha joj nie skazali. Žančyna śćviardžaje, što z 28 maja pradstaŭniki kampanii admaŭlajucca ź joj razmaŭlać. Jana prosić dapamohi, kab daviedacca choć niešta pra los Alaksandra.
Tym časam francuzskija ŚMI paviedamlali pra toje, što pozna viečaram 25 maja na šašy A6 niedaloka ad Niemura Citroën C4 źbiŭ piešachoda. Niahledziačy na miedycynskuju dapamohu, mužčyna pamior na miescy. Nacyjanalnaść i ŭzrost zahinułaha nie paviedamlajecca.
Miehaskandał u MUS: supracoŭnik kryminalnaha vyšuku kiravaŭ bandaj, jakaja ŭ bałakłavach rabavała dalnabojščykaŭ
U Italii znajšli miortvym biełaruskaha dalnabojščyka
Pjany biełaruski dalnabojščyk jechaŭ pa niamieckim aŭtabanie zadnim chodam. Ale pryciahnuŭ uvahu jon nie tolki hetym
U Hiermanii adzin biełaruski dalnabojnik pierajechaŭ inšaha
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im10
Kamientary