Вызвалілася палітзняволеная лекарка Вольга Барушка
Сярод палітзняволеных-жанчын у Гомелі, у якіх у траўні закончыліся тэрміны зняволення — Вольга Барушка, анестэзіёлаг-рэаніматолаг з Мінска, піша «Гомельская вясна».
04.06.2024 / 18:14
Вольга Барушка, якая працавала ў Мінскім навукова-практычным цэнтры хірургіі, транспланталогіі і гематалогіі, была затрыманая напрыканцы жніўня 2022 года і за каментары ў інтэрнэце абвінавачаная па арт. 368 Крымінальнага кодэкса (абраза Лукашэнкі) і арт. 369 (абраза прадстаўніка ўлады).
22 снежня 2022 года жанчына была прысуджаная судом Маскоўскага раёна Мінска да 2 гадоў пазбаўлення волі ў калоніі агульнага рэжыму. Справу разглядала суддзя Кацярына Мурашка.
15 сакавіка 2023 года праваабаронцы прызналі Вольгу Барушку палітзняволенай. У сярэдзіне красавіка 2023 года яна была пераведзеная ў СІЗА № 1 у Гомелі, а затым у жаночую калонію № 4.
Падчас зняволення Вольгі яе сімвалічнай «хроснай» аб’явіла сябе віцэ-старшыня парламента Нарвегіі Інгрыд Фіска, якая такім чынам выказала Вользе падтрымку і пацвердзіла, што ў дэмакратычных краінах яна прызнавалася палітзняволенай.
Выйшаў на волю палітвязень Аляксандр Іваноў
Выйшаў на волю палітвязень Яўген Мерунко
Выйшаў на волю палітвязень Ігар Галушка