Стала вядома пра вызваленне палітзняволенага Аляксандра Іванова, які 21 красавіка цалкам адбыў пакаранне і выйшаў на волю, піша «Гомельская вясна».
Аляксандр Іваноў
Аляксандра Іванова затрымалі 4 жніўня 2022 года супрацоўнікі міліцыіі, у ягонай кватэры быў праведзены вобшук. Мужчыну абвінавацілі па артыкуле 361 (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы РБ) Крымінальнага кодэкса.
Пазней арт. 361 перакваліфікавалі на ч. 1 арт. 361-4 (садзеянне экстрэмісцкай дзейнасці) за фота і відэа расійскай вайсковай тэхнікі, дасланае «экстрэмісцкім» тэлеграм-каналам». 16 жніўня 2022 г. праваабарончая супольнасць прызнала Аляксандра Іванова палітзняволеным.
8 снежня 2022 года суддзя Гомельскага абласнога суда Аляксей Хлышчанкоў прызначыў Аляксандру Іванову 2 гады пазбаўлення волі ў калоніі ва ўмовах агульнага рэжыму. Пакаранне Аляксандр адбываў у папраўчай калоніі № 1 горада Наваполацка.
17 сакавіка 2023 года Міністэрства ўнутраных спраў дадало Аляксандра Іванова ў спіс «асоб, датычных да экстрэмісцкай дзейнасці».
Цяпер чытаюць
Закінутую сядзібу Багдановічаў пераробяць у буціковы гатэль ФОТЫ7
Каментары