Інтэрпал адмовіўся выдаць ордар на арышт польскага суддзі Шміта
Інтэрпал адмовіўся выдаць запытаны ўладамі Польшчы міжнародны ордар на арышт экс-суддзі Томаша Шміта, які ўцёк у Беларусь. Пра гэта ў аўторак, 4 чэрвеня, агенцтву PAP паведаміла прэс-сакратар Галоўнай камендатуры паліцыі рэспублікі Катажына Новак.
05.06.2024 / 08:18
Прычынай адмовы, паводле яе слоў, стаў артыкул 3 статута Інтэрпала, які забараняе арганізацыі «ажыццяўляць якое-небудзь умяшанне або дзейнасць палітычнага, ваеннага, рэлігійнага або расавага характару».
«Інтэрпал адмовіўся выдаць чырвонае апавяшчэнне ў дачыненні да суддзі Томаша Шміта ў сувязі з тым, што ён не дазваляе перадаваць па сваіх каналах дадзеныя па дзеяннях супраць бяспекі дзяржавы, якія вызначаюцца як палітычныя злачынствы», — цытуе Новак PAP.
У Варшаве 55-гадоваму Шміту выстаўлена абвінавачанне ў шпіянажы.
Томаш Шміт уцёк у Беларусь 6 мая. Ён даў у Мінску прэс-канферэнцыю, на якой абвясціў, што мае намер запытаць у Беларусі палітычны прытулак.
Польскія спецслужбы мяркуюць, што Шміт некалькі гадоў кантактаваў з беларускай разведкай і расійскімі агентамі ў Польшчы.
Збеглага польскага суддзю, імаверна, пасялілі ў Драздах
У Польшчы расказалі, як суддзя Шміт заехаў у Беларусь. Турцыя ні пры чым
«На яго жыццё палююць агенты ЦРУ, а ён гуляе па Мінску, проста сарвігалава»