Пляменніка Кадырава прызначылі міністрам транспарту Чачні
Пляменнік кіраўніка Чачэнскай Рэспублікі Рамзана Кадырава-Адам Чэрхігаў — прызначаны міністрам транспарту, сувязі і лічбавага развіцця рэгіёну. Пра гэта паведаміў Кадыраў у сваім тэлеграм-канале.
05.06.2024 / 11:54
З 2007 года гэтую пасаду займаў бацька Адама Чархігава — Рамзан Чэрхігаў. Чэрхігаў-малодшы да прызначэння на новую пасаду быў старшынёй камітэта ўрада Чачні па дашкольнай адукацыі, піша Расійская служба Радыё Свабода
«Нягледзячы на малады ўзрост, ён [Адам] валодае вялікім вопытам работы на кіруючых пасадах і неабходнымі прафесійнымі навыкамі для якаснага і эфектыўнага выканання задач, якія стаяць перад Міністэрствам», — адзначыў Кадыраў.
Адам Чархігаў-сын Зарган Кадыравай, сястры кіраўніка рэспублікі.
Пасады на дзяржслужбе ў Чачні займаюць дзеці Кадырава, яго сястры, зяці, пляменнікі, браты рознай ступені сваяцтва. Некаторыя з іх прызначаныя на высокія пасады на федэральным узроўні.
У траўні 2024-га 18-гадовы Ахмат Кадыраў быў прызначаны кіраўніком Міністэрства спорту Чачні. Раней ён займаў пасаду кіраўніка ў рэгіянальным Міністэрстве па справах моладзі. Да гэтага, у лістападзе 2023 года, ён атрымаў на дзень нараджэння пасаду першага намесніка міністра па фізічнай культуры і спорце Чачні. Пасля яго пераходу на новую працу на яго пасаду прызначылі 20-гадовага Рамзана Вісмурадава, які жанаты з дачкой Рамзана Кадырава Табарык.
У лютым дачку Кадырава, 24-гадовую Хадыжат, прызначылі першым намеснікам кіраўніка адміністрацыі кіраўніка і ўрада Чачні. У мінулым годзе 16-гадовы Адам Кадыраў быў прызначаны «начальнікам аддзела забеспячэння бяспекі» свайго бацькі і куратарам батальёна імя шэйха Мансура.
18-гадовы сын Кадырава стаў прэзідэнтам футбольнага клуба «Ахмат»
Кадыраў прызначыў свайго 16-гадовага сына куратарам прыватнага ўніверсітэта спецназа імя Пуціна
Кадыраў выклаў відэа са спартыўнай залы на фоне навінаў пра небяспечную хваробу
Хлопцу, які спаліў Каран і якога збіў сын Кадырава, далі тры з паловай гады калоніі