Režysiora Andreja Hniota vypuścili ź sierbskaj turmy
Jon pieraviedzieny pad chatni aryšt.
06.06.2024 / 11:53
Biełaruski režysior i žurnalist Andrej Hniot, jaki byŭ zatrymany ŭ Sierbii ŭ kastryčniku 2023 hoda na zapyt biełaruskich uładaŭ praź Interpoł, vyzvaleny ź sierbskaj turmy.
Biełarus pieraviedzieny z centralnaj turmy Białhrada pad chatni aryšt.
«Heta pieršy važny krok u vyrašeńni losu Andreja, jaki bolš za 7 miesiacaŭ pravioŭ u poŭnaj izalacyi, biez dostupu da naležnaj miedycynskaj dapamohi pry rezka pahoršanym stanie zdaroŭja. Adnak ciapier važny druhi samy hałoŭny krok — nie dapuścić jaho ekstradycyi ŭ Biełaruś, dzie Andreja pieraśledujuć pa palityčnych matyvach», — piša Pavieł Łatuška.
Andrej Hniot — biełaruski žurnalist, režysior, suzasnavalnik «Svabodnaha abjadnańnia spartsmienaŭ SOS BY», pryznanaha ŭ Biełarusi «ekstremisckim farmavańniem». Hniota zatrymali ŭ kastryčniku 2023 hoda ŭ Sierbii pa zapycie biełaruskich uładaŭ, jakija abviaścili jaho ŭ vyšuk praź Interpał u suviazi sa spravaj ab padatkach. Abarona nastojvaje, što pieraśled palityčna matyvavany, a na radzimie jaho mohuć čakać katavańni.
U śniežni 2023 hoda sud pieršaj instancyi ŭchvaliŭ departacyju Hniota ŭ Biełaruś, ale ŭ sakaviku 2024 hoda Vyšejšy sud (apielacyjny) admianiŭ rašeńnie i adpraviŭ spravu na pierahlad.
Čamu HUBAZiK pačaŭ dzikaje palavańnie na ivent-ahienctvy i viadučych śviataŭ
Pa danosie Bondaravaj zatrymany suzasnavalnik ivent-ahienctva «Ružovaja ziebra»
Śpievaka Sašu Nema dapytali ŭ HUBAZiKu