Čamu HUBAZiK pačaŭ dzikaje palavańnie na ivent-ahienctvy i viadučych śviataŭ

Siarod zatrymanych viadučych — Kiryła Ałachvierdzian, viadomy jak hulec kłuba viasiołych i znachodlivych. U videa siłavikoŭ jon raskazaŭ, što ŭ 2020 hodzie «Biełsat» prapanavaŭ jamu zdymacca ŭ rolikach, dzie jon budzie «vystaŭlać supracoŭnikaŭ milicyi ŭ śmiešnym vobrazie».

Viadoŭcu kvizaŭ i śviataŭ Paŭła Paškieviča zatrymali za ŭdzieł u pratestach 2020 hoda.

Zatrymali taksama biełaruskamoŭnaha viadučaha i dyrektara kreatyŭnaha ahienctva «Ap Ivent» Andreja Papłaŭskaha. Za što — da kanca niezrazumieła.

Siarod zatrymanych — namieśnik dyrektara ivent-ahienctva «Ružovaja ziebra» Aleh Astralenka. Jaho vinavaciać va ŭdziele ŭ maršach.

Uvahu siłavikoŭ na rejestr arhanizataraŭ kulturna-vidoviščnych mierapryjemstvaŭ, apublikavany na sajcie Ministerstva kultury, źviartała danosčyca Volha Bondarava. Vyhladaje, što hety śpis i pajšoŭ adpracoŭvać HUBAZiK.

Bondarava ŭžo pachvaliłasia ŭ svaim telehram-kanale, što da jaje skarhaŭ u hetym śpisie było 54 arhanizacyi, a paśla zastałosia 47.

@nashaniva Čamu HUBAZiK pačaŭ dzikaje palavańnie na ivent-ahienctvy i viadučych śviataŭ #biełaruś #biełaruskajamova #minsk #naviny #našaniva #milicijabiełarusi ♬ Crime Scene - Avery Alexander

Terminova vyklučyli «Ivent kafe», «Ružovuju ziebru», «Hrafimił», «DABRoMiks», «Śvietamuzyku baj», «AP Ivent», «Most Ivent» (raniej paviedamlałasia pra zatrymańnie niekatorych ludziej, jakija mieli dačynieńnie da hetych arhanizacyj).

Nieviadoma čamu, ale bolš za ŭsio Bondarava nakinułasia na ivent-ahienctva «Ružovaja ziebra». Vyhladaje, byccam jaje razzłavała videa, apublikavanaje ŭ studzieni 2021 hoda. Heta standartnaje karotkaje videa ź mierapryjemstva, ale jość adzin niuans: paznačana, što viadučym taho viečara staŭ Jaŭhien Bułka. Šoŭmien trapiŭ u čorny śpis dziejačaŭ kultury paśla taho, jak padtrymaŭ pratesty ŭ 2020 hodzie. Danosčyca nazyvaje jaho «dziaržpieravarotčykam».

Pavialičyć

Hetamu ahienctvu daviarali pravodzić šmat padziej, jakija niejkim čynam źviazanyja ź dziaržavaj. Naprykład, z 2018 pa 2020 hod «Ružovaja ziebra» pravodziła mižnarodny kaladny chakiejny turnir na pryzy Łukašenki. A ŭ minułym hodzie kampanija zabaŭlała haściej konkursu «Televiaršynia».

Siarod padpisčykaŭ akaŭntaŭ «Ružovaj ziebry» (ich u ivent-ahienctva niekalki) dastatkova «ideałahična pravilnych» artystaŭ — naprykład, Alona Łanskaja, Volha Ryžykava, Hanna Trubiackaja, a taksama Pavieł Łazavik, hałoŭny dyrektar mižnarodnaha spadarožnikavaha kanała «Biełaruś 24».

• 6
• 0
• 4
• 17
• 3
• 5
• 51
• 0