Беларусь выступіць у расійскім аналагу «Еўрабачання»
Беларусь возьме ўдзел у конкурсе «Інтэрбачанне», які арганізуюць у Расіі ў якасці свайго адказу «Еўрабачанню». Пра гэта заявіў спецпрадстаўнік Уладзіміра Пуціна па міжнародным культурным супрацоўніцтве Міхаіл Швыдкой. Паводле яго слоў, заяўкі паступаюць з многіх краін, піша «РИА Новости».
09.06.2024 / 17:19
Скрыншот застаўкі
«Гэта і Лацінская Амерыка, і Цэнтральная Азія, і краіны СНД, і, наколькі мне вядома, нейкія нават асобныя еўрапейскія дзяржавы выказваюць цікавасць, пацвердзілі ўдзел і КНР, і Беларусь, і Азербайджан, і Казахстан, і Куба, і Бразілія», — адзначыў Швыдкой.
Конкурс павінен прайсці ў канцы 2024-га ці ў пачатку 2025 года.
Раней кіраўнік «Першага канала» Канстанцін Эрнст прапаноўваў зрабіць конкурс штогадовым.
Нагадаем, Беларусь і Расія адхіленыя ад удзелу ў штогадовым конкурсе «Еўрабачанне».
Арыгінальнае «Інтэрбачанне» праводзілася ў 70-я-80-я гады мінулага стагоддзя пад эгідай савецкага і польскага тэлебачання.
Арганізатары Еўрабачання аштрафавалі ўкраінцаў за футболкі з заклікам вызваліць абаронцаў Азоўсталі
Швейцарыя стала пераможцам Еўрабачання