Арганізатары Еўрабачання аштрафавалі ўкраінцаў за футболкі з заклікам вызваліць абаронцаў Азоўсталі
Перад уваходам у залу каманда надзела футболкі пад свае іншыя футболкі і кофты і змагла прайсці з імі ў грынрум.
Арганізатары Еўрабачання-2024 аштрафавалі ўкраінскую дэлегацыю за футболкі з прынтам Free Azovstal Defenders у эфіры шоу, піша «Украінская праўда».
Прадстаўніца Украіны Alyona Alyona распавяла, што з'явіцца ў футболках Free Azovstal Defenders было вельмі рызыкоўнай і складанай задачай.
Любыя надпісы і брэнды былі забароненыя, ахова правярала ўсю вопратку і, калі на ёй быў надпіс, прасілі зняць яе ці ж заляплялі чорным скотчам.
Організатори "Євробачення-2024" оштрафували українську делегацію за футболки з принтом Free Azovstal Defenders в ефірі шоу. pic.twitter.com/Ylgta2POWk
«Перад уваходам у залу наша каманда надзела футболкі пад свае іншыя футболкі і кофты і змагла прайсці з імі ў грынрум.
Мы ведалі, што калі будуць паказваць паўторы выступаў усіх артыстаў, то будуць паказваць і саму дэлегацыю. Таму калі да нас падышла камера, наша каманда хутка раскрылася і паказалі наш заклік на ўвесь свет. Мы вельмі рызыкавалі, аднак усё атрымалася. Адбіліся проста фінансавым штрафам. Я неверагодна рада, што нам удалося нагадаць свету пра нашых ваеннапалонных», — расказала яна.
Перад фіналам Еўрабачання ў сацыяльных сетках частку палякаў абурыў світшот адной з прадстаўніц Украіны на Еўрабачанні Jerry Heil з надпісам Banderaciaga. Яе абвінавачваюць у падтрымцы «культу Сцяпана Бандэры».
Нагадаем, што Еўрабачанне-2024 выйграў швейцарац Nemo.Харватыя заняла другое месца, Украіна — трэцяе.
«Мой каханы не чытае навіны, калі яны напісаныя па-беларуску». Дар'я Царык стала на абарону рускай мовы і прыпляла нават Пазняка48
Каментары