Saudaŭskaja Aravija maje namier rezka pavialičyć zdabyču nafty. Ale nie sioleta
Saudaŭskaja Aravija płanuje istotna pavialičyć zdabyču nafty ŭ 2026—2027 hadach, a ŭ 2028-m naraścić vytvorčaść da 12,3 młn barelaŭ u sutki. Pra heta zajaviŭ padčas vystupleńnia na Pieciarburhskim mižnarodnym ekanamičnym forumie ministr enierhietyki krainy Abdel Aziz Ben Sałman, piša «Kommiersant'».
09.06.2024 / 22:10
Fota: Sirichai Asawalapsakul / vecteezy.com
«U nas jość płany pavialičyć vytvorčaść. Pastupovaje pavieličeńnie budzie ŭ 2026 hodzie, u 2027-m. Zatym my vierniemsia da ŭzroŭniu ŭ 12,3 młn barelaŭ u sutki. I heta adbudziecca ŭ 2028 hodzie», — adznačyŭ jon.
Ministr dadaŭ, što karaleŭstva taksama płanuje pavialičyć ekspart nafty.
2 červienia krainy APIEK i dziaržavy, jakija nie ŭvachodziać u arhanizacyju, jakija ŭdzielničajuć u Pahadnieńni ab skaračeńni zdabyčy nafty (APIEK+), uzhadnili kvoty na zdabyču da kanca 2025 hoda. Kvota Rasiei zachavajecca na ŭzroŭni 9,95 młn bar./ sutki, Saudaŭskaj Aravii — 10,5 młn bar./sutki. Ahulny hraničny ŭzrovień zdabyčy nafty krain APIEK+ składaje 39,7 młn bar./sutki.
U spałučeńni ź inšymi damoŭlenaściami ab dobraachvotnym skaračeńni abjomaŭ, zdabyča nafty ŭ Saudaŭskaj Aravii ŭ studzieni — vieraśni hetaha hoda budzie składać 8,98 młn bar./ sutki, a zatym pastupova pavialičycca da 9,23 młn bar./ sutki ŭ śniežni 2024 h. i 9,98 u kastryčniku — śniežni 2025 hoda.
U indeksie svabody presy Biełaruś apynułasia pamiž Saudaŭskaj Aravijaj i Kubaj
Kamisiju AAN pa pravach i statusie žančyn uznačaliła Saŭdaŭskaja Aravija. Jak tak?
U Saudaŭskaj Aravii mieracca pabudavać dvuchkiłamietrovy chmaračos