Kamisiju AAN pa pravach i statusie žančyn uznačaliła Saŭdaŭskaja Aravija. Jak tak?
«Rašeńnie było pryniata adnahałosna, nichto z čalcoŭ kamisii nie piarečyŭ».
«Usie 45 členaŭ Kamisii AAN pa statusie žančyn abrali svaim staršynioj Saudaŭskuju Araviju — krainu z žachlivym pasłužnym śpisam u śfiery abarony pravoŭ žančyn. Hetaje rašeńnie vyklikała šok u mižnarodnych pravaabarončych arhanizacyj», — reziumuje vydańnie The Guardian, apisvajučy vyniki 68-ha pasiedžańnia kamisii.
Vydańnie adznačaje, što kamisija była stvorana z metaj prasoŭvać hiendarnuju roŭnaść, pravy i mahčymaści žančyn usiaho śvietu i što «mnohija čakali na pasadzie staršyni kamisii Banhładeš, adnak na apošnim etapie razhladu kandydataŭ umiašałasia Saudaŭskaja Aravija i prałabiravała svajo abrańnie».
Pasoł Filipin u AAN Antonia Manuel Łahdamea, jak papiaredni staršynia Kamisii pa statusie žančyn, zajaviŭ, što spytaŭ astatnich čalcoŭ ab ich zhodzie z abrańniem Saudaŭskaj Aravii i «nie pačuŭ u adkaz nivodnaj admovy».
Adzinyja, chto vykazaŭ niazhodu, byli pravaabarončyja arhanizacyi, jakija nie ŭvachodziać u kamisiju. Naprykład, adna z kiraŭnikoŭ Amnesty International Šeryn Tadras adznačyła, što Saudaŭskaja Aravija «žudasna dalokaja» ad ideałaŭ kamisii, a dyrektar Human Rights Watch pry AAN Łui Šarbona ŭvohule zajaviŭ, što abrańnie Saudaŭskaj Aravii — heta šakavalnaje hrebavańnie pravami žančyn va ŭsim śviecie», — pieradaje The Guardian.
Šarbona dadaŭ, što «kraina, jakaja adpraŭlaje žančyn u turmu prosta za toje, što jany adstojvajuć svaje pravy, nie maje nijakaha prava być tvaram viadučaha forumu AAN pa pravach žančyn i hiendarnaj roŭnaści».
«Kali b usie čalcy kamisii padniali vialiki šum, to staršynstva Saudaŭskaj Aravii možna było b paźbiehnuć. Ale ŭsie prosta pramaŭčali», — padahulniŭ Šarbona.
Pa infarmacyi AAN, Suśvietnaha banka i Suśvietnaha ekanamičnaha forumu za 2023 hod, Saudaŭskaja Aravija zajmaje adno z apošnich miescaŭ u śviecie pa ŭzroŭni hiendarnaj roŭnaści i abarony pravoŭ žančyn (131 miesca sa 146 pavodle Global Gender Gap Index).
«Nijakaha seksu i palityki». Śvietu pakazali pieršaha androida-musulmanku, jakaja prytrymlivajecca normaŭ šaryjatu
U Iranie sud pryhavaryŭ da śmierci načalnika palicyi za zabojstva pratestoŭca. Što?
Praź dzień paśla zajavy kamiteta AAN pra Palinu Šarendu-Panasiuk na BT pakazali palitźniavolenuju
Žančyny ŭ atačeńni Łukašenki: čamu i što jon im daviaraje. Vialikaja hutarka z Almiraj Usmanavaj
Eks-kandydatku ŭ prezidenty Taćcianu Karatkievič pasadzili na 15 sutak11
Kamientary