Беларуска зрабіла перасадку броваў і дзеліцца перажытым у тыктоку
У тыктоку набірае папулярнасць ролік, у якім беларуска Васіліса Стаян паказвае працэс аднаўлення пасля трансплантацыі броваў. «Ужо і бровы перасаджваюць?» — дзівяцца каментатары. «Анлайнер» даведаўся ў дзяўчыны, як яна наважылася на незвычайную працэдуру і ці задаволеная вынікам.
10.06.2024 / 20:04
«У юнацтве было модна насіць тонкія, перашчыпаныя бровы, і я стала ахвярай гэтых трэндаў, — расказала Васіліса. — Але з узростам прыйшло ўсведамленне: натуральныя бровы — гэта тое, чаго я хачу».
Каб зрабіць бровы мары, Васіліса вырашыла паехаць у Стамбул. Па словах дзяўчыны, Турцыя — вядучая краіна па працэдурах трансплантацыі валасоў. Праўда, без складанасцяў не абышлося.
«Але нават у Турцыі знайсці клініку, у якой робяць перасадку броваў, было няпроста. Я хацела ўбачыць не толькі відэа працэсу, але і вынікі працы праз нейкі час. Таксама для мяне былі важныя суадносіны цаны і якасці».
Цікавае пытанне, якім задаюцца ў сеціве: адкуль бяруць валасы?
У адным з ролікаў Васіліса паказала быццам паголеную патыліцу. Па словах дзяўчыны, менавіта з гэтай часткі галавы ўзялі 800 графтаў (элементаў валасяной тканкі з фалікуламі валасоў) і трансплантавалі ў бровы.
«Сама працэдура заняла чатыры гадзіны і прайшла паспяхова. На рэабілітацыю пайшло восем дзён. Дыскамфорт быў у першыя суткі пасля працэдуры, бо на патыліцы была павязка і спаць на спіне было некамфортна. Ацёкі і сінякі пад вачыма мяне не бянтэжылі, я вельмі спакойна наведвала людныя месцы».
Што тычыцца выніку, то ён пакуль не канчатковы. Васіліса тлумачыць: з моманту перасадкі трэба чакаць ад 6 да 12 месяцаў. Таму і сама дзяўчына пакуль не можа адказаць, наколькі яна задаволеная.
Да працэдуры і праз тры месяцы пасля перасадкі
У каментарах да «заляцелага» роліка меркаванні падзяліліся. Адным здаецца, што бровы ў дзяўчыны адрозніваюцца паміж сабой па шырыні, іншыя пытаюцца, ці не прасцей было зрабіць перманентны макіяж, а вось трэція хваляць за смеласць.
Сама Васіліса да падвышанай увагі за апошнія дні ставіцца спакойна і лёгка прымае любое меркаванне.
Новы мужчынскі трэнд? Мінскі блогер зрабіў сабе перасадку валасоў
Беларускі дызайнер зрабіў сабе перасадку валасоў. ФОТЫ
Як часта трэба мыць галаву і як правільна сушыць?