Дызайнер адзення Апці Эзіеў з'ездзіў у Турцыю, каб зрабіць перасадку валасоў. Як выглядае аперацыя і колькі яна каштуе?
«Шмат прычын, якія паўплывалі на выпадзенне валасаў на пярэдняй частцы галавы, — стрэсы, адносіны з людзьмі, сацыяльныя сеткі, неадэкватныя каментары, генетыка, вялікая колькасць тэстастэрону. Выхадам стала перасадка, паколькі іншыя варыянты не дапамагалі — ні мінаксідзіл (касметычны сродак для стымуляцыі росту валасоў — «НН»), ні сотні ўколаў у галаву з вітамінамі, ні харчаванне», — распавёў Апці ў інстаграме.
Перасадку мужчына рабіў у клініцы Стамбула. Уся аперацыя заняла дзевяць гадзін. За гэты час перасадзілі 4000 фалікулаў і зрабілі ніжэйшай лінію росту валасоў.
Валасяныя цыбуліны бралі з патыліцы. Перад гэтым зрабілі каля 15 уколаў анэстэзіі. Яшчэ столькі ж зрабілі ў пярэднюю частку галавы, перад тым як перасджваць фалікулы.
«З усяго часу трэба пацярпець толькі 5-10 хвілін падчас анэстэзіі», — кажа дызайнер.
Але боль вяртаецца пасля аперацыі — першыя пяць гадзін яго складана пераносіць.
Вынікам Эзіеў застаўся задаволены.
«П’ю антыбіётыкі, не нашу больш кепкі, капюшоны, не карыстаюся ручнікамі. Месяцы тры-чатыры буду хадзіць лысы, пасля валасы пачнуць адрастаць. Застануцца моцныя цыбуліны, слабыя выпадуць. І давядзецца спаць на спіне».
Агулам аперацыя плюс пералёты і пражыванне ў Стамбуле яму абышліся ў $4000.
Хэйтэрам дызайнер адказаў:
«Не кожны можа жыць з думкай, што Апці мае ідэальнае спартыўнае цела, прыгожыя зробленыя прапорцыі твару, белыя зубы, ідэальную форму валасоў, добры густ, працавітасць, паспяховасць і годнасць!»
Гэта не першая трансфармацыя, на якую рашыўся дызайнер. Некалькі год таму ён зрабіў пластыку носа — прыбраў гарбінку і зрабіў нос танчэйшым
Цяпер чытаюць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны4
Каментары