Departavany z Polščy Dźmitryj Smaktunovič vystupiŭ pa telebačańni
Žychar Babrujska Dźmitryj Smaktunovič, jakoha departavali z Polščy i z-za jakoha 12 červienia spyniŭsia ruch u punkcie propusku «Brest» na biełaruska-polskaj miažy, patłumačyŭ u efiry TRK «Brest» pryčyny svaich pavodzin.
12.06.2024 / 23:30
«Skončyŭsia litoŭski dazvoł na žycharstva hod tamu. Mnie Litva nie paviedamiła pra heta. Ja žyŭ tam ź siamjoj. Nu i tamu łamiŭsia nazad. Siamju nie chaču hublać», — zajaviŭ Smaktunovič.
Pavodle jaho słoŭ, pretenzij da biełaruskich pamiežnikaŭ jon nie maje, u adroźnieńnie ad polskich:
«Adzin spačatku hruba siabie pavodziŭ, druhi adekvatna. Nu, a trecija sprabavali mianie vykinuć, ale nie atrymałasia. Upiacioch nie paciahnuli mianie».
Biełaruskija ŭłady «jakich-niebudź pretenzij da Dźmitryja Smaktunoviča ŭłady Biełarusi nie majuć», jon ciapier «budzie sprabavać vyrašać pytańnie pra ŭźjadnańnie ź siamjoj, jakaja zastałasia ŭ Polščy».
U toj ža čas abjadnańnie byłych siłavikoŭ Bypol, pravieryŭšy pa svaich kanałach asobu Dźmitryja Smaktunoviča, śćviardžaje:
- Smaktunovič u bazie «Biesparadki» pa stanie na 2021 hod nie znachodzicca
- infarmacyi pra jaho ŭdzieł u pratestach nie vyjaŭlena
- niehatyŭnych kamientaroŭ u dačynieńni da režymu Łukašenki nie vyjaŭlena
- u sacyjalnych sietkach kampramietujučaj infarmacyi, za jakuju jaho mohuć pryciahnuć u Biełarusi da adkaznaści, nie vyjaŭlena
- raniej jon pracavaŭ kantraloram u pazaviedamasnaj achovie ŭ jakaści hramadzianskaha śpiecyjalista.
Biełarusa, jakoha departujuć z Polščy, raniej sudzili za pieravozku nielehalnych mihrantaŭ
Polskija pamiežniki ŭ punkcie propusku Tarespal pierakryli ruch u abodva baki
Z Polščy departujuć biełarusa, jaki nie choča na radzimu. Jon na niejtralnaj pałasie pad Brestam