Departavany z Polščy biełarus pierajšoŭ na terytoryju RB. Ruch u pamiežnym punkcie Tarespal adnaviŭsia
Biełarus Dźmitryj Smaktunovič pierajšoŭ na biełaruskuju terytoryju. U pamiežnych čatach napisali, što ruch na miažy adnoŭleny.
Biełarus Dźmitryj Smaktunovič pierajšoŭ na biełaruskuju terytoryju. Ciapier jon prachodzić mytny kantrol. Pra heta «Miedyjazonie» raspaviała jaho žonka.
Biełarusa Dźmitryja Smaktunoviča 11 červienia vypravadzili z Polščy za parušeńnie praviłaŭ znachodžańnia ŭ Jeŭrasajuzie.
Jak žonka Natalla raspaviała žurnalistam, u krasaviku 2023 hoda Dźmitryja zatrymlivali za pieravozku mihrantaŭ, jakija nielehalna ŭjazdžajuć u Polšču ź biełaruskaha boku. Tady jon supracoŭničaŭ sa śledstvam, dziakujučy jaho dziejańniam udałosia vyjści na inšych udzielnikaŭ kanała pieravozki. Jaho sudzimaść pahašanaja.
Jak śćviardžaje Natalla, mužčynu nielha ŭ Biełaruś praz palityčny składnik: pavodle jaje słoŭ, Źmicier aktyŭna kamientavaŭ padziei 2020 hoda ŭ sacsietkach. Da jaho maci prychodzili ludzi, jakija cikavilisia mužčynam. A potym ź im źviazalisia znajomyja «z orhanaŭ» i rekamiendavali pa mahčymaści nie pryjazdžać u Biełaruś, tamu što na jaho jość niejkija materyjały.
Kiroŭcy aŭtobusaŭ skazali Źmicieru, što na biełaruskim baku jaho ŭžo čakajuć supracoŭniki KDB.
Sprabujučy vycisnuć biełarusa na terytoryju RB, polskija pamiežniki spynili ruch na pamiežnym punkcie ŭ Tarespali ŭ abodva baki.
Ciapier ruch adnaviŭsia.
Kamientary
Zadierživali polaki dannoho hraždanina za pierievozku v Polšie nielehalnych mihrantov hod nazad.
Jeŝio tohda nado było pod sr*ku nohoj !